როგორ ავარჩიოთ უსაფრთხო სათამაშო?

ბავშვის უსაფრთხოება მშობლის მთავარი საზრუნავი და ასევე გამოწვევაა. სათამაშო ის ობიექტია, რასაც ბავშვის ცხოვრებაში ძალიან დიდი ადგილი უჭირავს, მასთან დიდ დროს ატარებს და მას ხშირად ეხება.  შესაბამისად, გავლენას ახდენს როგორც ბავშვის ფსიქოლოგიურ, ასევე ფიზიოლოგიურ ჯანმრთელობაზე. როგორ მივხვდეთ, რომ სათამაშო უსაფრთხოა ბავშვის ჯანმრთელობისთვის? იქიდან გამომდინარე, რომ ჩვენთან არსებული ყველა ბრენდის სათამაშო აკმაყოფილებს უსაფრთხოების სტანდარტებს, ჩვენ დაგეხმარებით და მოგცემთ რჩევებს, თუ როგორ შეურჩიოთ  ბავშვს მაქსიმალურად უვნებელი სათამაშო.

სათამაშოს მავნებლობას, მისი ვიზუალის გარდა, განსაზღვრავს მის შემადგენლობაში არსებული განსაზღვრული ქიმიური ნივთიერებების (ფტალატები, ტყვია, მძიმე მეტალები) დასაშვებზე უფრო მაღალი კონცენტრაცია-  ტყვიის მაღალ შემცველობას შეუძლია უარყოფითი ზეგავლენა მოახდინოს ბავშვის ინტელექტზე, ნერვულ მდგომარეობასა და ძვლოვანი სისტემის განვითარებაზე, ფტალატებს (პლასტმასის დამარბილებელი) შეუძლიათ სიმსივნის წარმოქმნას შეუწყონ ხელი, BPA ასევე იწვევს საშიშ დაავადებებს. სუპერში არსებული ყველა ბრენდის ნაწარმი შემოწმებულია საშიშ ნივთიერებებზე და სრულიად უსაფრთხოა ჯანმრთელობისთვის. მაგალითად, ბრენდი Zapf-ი, რომელიც აწარმოებს ბევრისთვის ნაცნობ და საყვარელ Baby Born-ს, ზრუნავს თქვენი პატარების უსაფრთხოებაზე და ქმნის პროდუქციას, რომელიც სრულად თავისუფალია ფტალატებისგან, რაც მაქსიმალურად უზრუნველყოფს პროდუქტის უვნებლობას.

სათამაშოს უსაფრთხოების შესახებ ინფორმაცია მის შეფუთვაზე შეგიძლიათ ამოიკითხოთ.  მასზე მითითებული უნდა იყოს მწარმოებლის სახელწოდება და მისამართი. უმჯობესია, თავი შეიკავოთ ისეთი სათამაშოების ყიდვისგან, რომლის წარმომავლობაც გაუგებარია.

1. სათამაშოს უსაფრთხოების მანიშნებელია სიმბოლო CE , რომელიც მიგვითითებს, რომ ობიექტი სრულად შეესაბამება ევროპულ სტანდარტს პროდუქტის უსაფრთხოების შესახებ და შესაბამისად, არ შეიცავს ჯანმრთელობისთვის საზიანო ნივთიერებებს.

2. უსაფრთხოებასთანაა დაკავშირებული ასევე სიმბოლო  EN71  და აღნიშნავს,  რომ სათამაშო აკმაყოფილებს ხარისხის სტანდარტის ყველა მოთხოვნას.

3.  გალფის (სპარსეთის ყურის ქვეყნების თანამშრომლობის საბჭო) ნიშანი პროდუქტის უმაღლეს ხარისხზე მიგვითითებს.

სათამაშოს არჩევისას აუცილებელია გავითვალისწინოთ ბავშვის ასაკი. ხშირად მშობლები ასაკს ნაკლებ ყურადღებას აქცევენ, რაც ბავშვის უსაფრთხოებისთვის საზიანო შეიძლება აღმოჩნდეს.  იმის გარდა, რომ განსხვავებულ ასაკში ბავშვებს განსხვავებული უნარები და ინტერესები უყალიბდებათ, ასაკის მიხედვით განსხვავდება მათთვის საფრთხის შემცველი ნივთებიც. სათამაშოზე დატანილი უნდა იყოს ინფორმაცია, თუ რა ასაკის ბავშვისთვისაა განკუთვნილი. სწორედ ასაკის მანიშნებლის მიხედვით უნდა ავარჩიოთ სათამაშო.

4.       ყუთზე არსებული მანიშნებელი  0-3 აღნიშნავს, რომ სათამაშო არაა რეკომენდებული 3 წლამდე ასაკის ბავშვებისთვის, რადგან მისი შემადგენელი ნაწილაკები შეიძლება მათთვის საზიანო აღმოჩნდეს.

5. მსგავსი ინფორმაციის მატარებელია ასევე წარწერა warning: choking hazard- small parts not for children under 3 years.

შემოქმედებითი სახის პროდუქციაში, როგორიცაა გასაფერადებლები, მნიშვნელოვანია, რომ სახატავი/საღებავი მასალა იყოს უვნებელი. მაგალითად, ჩვენთან არსებული ბრენდი Crayola ქმნის გასაფერადებლებს,  რომლებიც სრულად შეესაბამება უსაფრთხოების საერთაშორისო სტანდარტებს, რაც ბრენდის პროდუქციის შეფუთვაზეც შეგიძლიათ ამოიკითხოთ.  Crayola  უკვე 100 წელზე მეტია ქმნის შემოქმედებითი სახის პროდუქციას და ეხმარება ბავშვებს წარმოსახვითი უნარის განვითარებაში.

6. გადამუშავების სიმბოლო მიგვითითებს, რომ შეფუთვის მასალა გადამუშავებადია.

7.ყურადღება მიაქციეთ,  სათამაშოს შეფუთვაზე დატანილ ისეთ წარწერებს/ნიშნებს, როგორიცაა flammable რაც მასალის აალებადობაზე მიგვითითებს

8. toxic –   პროდუქტის შესაძლო ტოქსიკურობას, მომწამვლელობას აღნიშნავს.

ხშირად სათამაშოზე დატანილია მისი გამოყენების ინსტრუქციაც. აუცილებელია გავეცნოთ მას და გავითვალისწინოთ ის სათამაშოს გამოყენების პროცესში.

გარდა ამისა, გირჩევთ გაითვალისწინოთ:

  • ყურადღება მივაქციოთ სათამაშოს ფორმას- ბასრი წვეტები საზიანოა ბავშვისთვის.
  • გასათვალისწინებელია სათამაშოს ფერიც. ძალიან კაშკაშა, ფოსფორისფერი სათამაშო საღებავის შესაძლო დაბალ ხარისხსა და საზიანო შემადგენლობაზე მიგვანიშნებს.
  • ყურადღება მივაქციოთ, რომ რბილ სათამაშოს, ზედაპირზე პატარა ნაწილები, არსებობის შემთხვევაში, კარგად ჰქონდეს დამაგრებული და მასალა გარეცხვადი იყოს.

არ დაგვავიწყდეს: ვეცადოთ ბავშვებს ყურადღება მივაქციოთ თამაშის პროცესში – ეს სასარგებლოა არამხოლოდ მათი ფსიქოლოგიური მდგომარეობისთვის, არამედ მათი უსაფრთხოებისთვისაც.

ჩვენთან არსებული ყველა სათამაშო შეესაბამება უსაფრთხოების საერთაშორისო სტანდარტებს.  როდესაც სათამაშოს  ირჩევთ ჩვენთან – ირჩევთ თქვენი ბავშვის უსაფრთხო თამაშს.