სუპერი

კომპანია “სუპერის” ისტორია 2005 წელს თბილისში გახსნილი პირველი მაღაზიით იწყება. დღესდღეობით ქსელში 100-ზე მეტი ბრენდი და 20.000-ზე მეტი დასახელების პროდუქცია არის წარმოდგენილი. მათ შორისაა მრავალი ევროპული ბრენდი,რომელიც „სუპერმა“ ექსკლუზიურად შემოიყვანა საქართველოში: Luminarc, Bormioli, Pyrex, Brabantia, RCR, Zwilling, Amefa, Samsonite, TVS, Kitchen Aid და სხვა. „სუპერის“ მაღაზიებს შეხვდებით თბილისში, ბათუმში, ქუთაისში, რუსთავში და გორში, პროდუქციის რეალიზაცია კი საქართველოს მასშტაბით, რამდენიმე სავაჭრო ქსელში ხორციელდება.    

საერთაშორისო ბრენდებთან თანამშრომლობის დიდი ისტორიის გარდა, „სუპერს“ საკუთარი წარმოებისმრავალწლიანი გამოცდილებაც აქვს. 2007 წლიდან “სუპერმა” დაიწყო კერამიკის წარმოება, რასაც ეტაპობრივად დაემატა ტექსტილი, ფაიფური, დეკორატიული აქსესუარები, სანათები, ჭურჭელი, სააღდგომო და საახალწლო დეკორაციები, სააბაზანო ნივთები და მინის ნაკეთობები. პროდუქცია იწარმოება ხარისხის კონტროლისა და საერთაშორისო სტანდარტების მკაცრი დაცვით, მსოფლიოს სხვადასხვა ქვეყნებში: იტალია, თურქეთი, ინდოეთი, ბელგია, ჩინეთი, ტაივანი, ინდონეზია. 2018 წელს, თბილისის შემოგარენში აშენდა თანამედროვე საწყობი, 10,000 კვმ. ფართობით,  აღჭურვილი პანელური სისტემით და მოწინავე ტექნოლოგიებით.

ბრენდის ერთ-ერთი გამორჩეული მახასიათებელი მაღაზიების კომფორტული და მეგობრული გარემოა. განსაკუთრებული მზადება საახალწლოდ იწყება; მაღაზიებში იქმნება მყუდრო, საზეიმო აურა, სადაც წარმოდგენილია მრავალფეროვანი საახალწლო კოლექციები, როგორც ცნობილი საერთაშორისო ბრენდების, ასევე საკუთარი წარმოების. ამ პერიოდში, საჩუქრების, სადღესასწაულო დეკორაციების თუ ნაძვის ხეების ძებნისას, „სუპერი“ წინასაახალწლო შოპინგის ცენტრად იქცევა.   

მაღალი ხარისხი, ექსკლუზიური დიზაინი, გამორჩეული სტილი და 100%-ით ჯანსაღი პროდუქცია, „სუპერის“ საფირმო ნიშანია. მსოფლიოს გამორჩეულ ბრენდებთან და დიზაინერებთან თანამშრომლობით, „სუპერი“ ქმნის გარემოს, სადაც აუცილებლად აღმოაჩენთ რაღაც განსაკუთრებულს, რაც „სუპერის“ ხარისხის სტანდარტს, თქვენი ყოველდღიურობის ნაწილად აქცევს. კომპანია მუდმივად ზრუნავს იმაზე, რომ ფასისა და ხარისხის ოპტიმალური კომბინაციით, მრავალფეროვანი პროდუქცია შემოგთავაზოთ, რაც თქვენი სახლისა და სამზარეულოს სრულყოფისთვის არის მნიშვნელოვანი.