სუპერი სათამაშოები

იყო და არა იყო რა, იყო ერთი იდეა. იდეა იმის შესახებ, რომ ბავშვებს კარგი სათამაშოები ჰქონოდათ. შედეგად, 2005 წელს გახსნილ “სუპერის” პირველ მაღაზიაში სათამაშოების დახლიც გაჩნდა. ეს დახლი ყოველწლიურად იზრდებოდა და სულ უფრო მეტ სათამაშოს იტევდა. 2010 წელს ჩვენ მივხვდით, რომ სათამაშოებისთვის ახალი სივრცე უნდა შეგვექმნა. ასე გაჩნდა Super Toys.

მას შემდეგ ჩვენ ბევრს ვმოგზაურობთ და გულდასმით ვეძებთ სწორედ იმ სათამაშოებს, რომელიც ხარისხით და შინაარსით გამოირჩევა. შედეგად Super Toys მრავალი საერთაშორისო ბრენდის ექსკლუზიური წარმომადგენელია საქართველოში. 2016 წელს ჩვენ “დისნეის” დავუმეგობრდით. დღეს ჩვენს მაღაზიებს, თბილისის გარდა, საქართველოს რამდენიმე ქალაქში შეგიძლიათ ესტუმროთ.  

ჩვენ გეპატიჟებით ჯადოსნურ სამყაროში, სადაც უფროსებსა და ბავშვებს შორის ასაკობრივი ზღვარი იშლება. სადაც სჯერათ, რომ დაეხმარებიან ბავშვებს თავისუფალ, ბედნიერ და შემოქმედებით პიროვნებებად ჩამოყალიბებაში.

თამაში

ჩვენ ვქმნით იმ ჯადოსნურ გამოცდილებას,  როდესაც უფროსები და ბავშვები თანაბარი ხალისით  ერთად თამაშობენ. ეს ცხოვრების ის მომენტებია, როდესაც ნამდვილი, თანასწორი და გულწრფელი ემოციები იცვლება. ასეთი მომენტები კი ფასდაუდებელია როგორც ბავშვისთვის, ისე უფროსისთვის. პატარებისთვის თამაში ცხოვრებაა, თამაშით ისინი თავის წარმოსახვით სამყაროს რეალურად აქცევენ; უფროსებისთვის კი თამაში მათივე ბავშვობაში მოგზაურობის უნიკალური შესაძლებლობაა.  

დაუშვებელია ბავშვის სამყაროს შეზღუდვა, აქ არ არსებობს ჩარჩოები და ჩვენ ყველაფერს ვიზამთ იმისათვის, რომ თავისუფლების ეს განცდა ბავშვს დიდი ხანი გაჰყვეს. მეტიც, ჩვენ ამ განცდას უფროსებშიც გამოვიწვევთ.

შემოქმედება

თამაშით ბავშვები შლიან თავის ფანტაზიას, რაც შემოქმედების საფუძველია. პატარების ცნობისმოყვარეობა, სწორად ყველგან და ყველაფრით თამაშს გულისხმობს. ბავშვს შეუძლია ერთმანეთს დაუკავშიროს ერთი შეხედვით სრულიად დაუკავშირებელი ნივთები და იდეები. თუ ამ თვისებას არ დავახშობთ და პირიქით მის განვითარებას შევუწყობთ ხელს, თვისება გახდება უნარი. სწორედ ეს უნარია, რაც კრეატიულ ადამიანებს გამოარჩევს და რაც ასე მოთხოვნადი ხდება ყოველდღიურად.   

ხარისხი

ჩვენთვის უმნიშვნელოვანესია ბავშვი და მისი როგორც ფიზიკური, ასევე შემოქმედებითი განვითარება, ამიტომ ჩვენი სათამაშოები გამოირჩევა თავისი მრავალფეროვნებით, მაღალი ხარისხით და სიჯანსაღით. ხარისხი, მუდმივი გაუმჯობესებისკენ სწრაფვის ერთ-ერთი ძირითადი კომპონენტია. ჩვენ ვზრუნავთ იმაზე, რომ ბავშვებს მაქსიმალურად უსაფრთხო სათამაშო მივაწოდოთ. პროდუქტის უსაფრთხოების კონტროლი ასევე გულისხმობს ბავშვებთან და უფროსებთან ჩვენი ყოველი ინტერაქციისას მათი უსაფრთხოების დაცვაზე ზრუნვას. ჩვენ გაძლევთ გარანტიას, რომ Super Toys-ში წარმოდგენილი პროდუქტი, სათამაშოების უსაფრთხოების ხარისხის უმკაცრეს სტანდარტებს 100%-ით შეესაბამება.