ტაფები და ქვაბები – უსაფრთხოება, ხარისხი, მოვლა

ტაფის ან ქვაბის შერჩევის საკითხს განსაკუთრებული სიფრთხილით ვეკიდებით ყველა. არსებობს უამრავი სახეობის, ბრენდის და მასალის ტაფა/ქვაბი. ამ მრავალფეროვნებაში გვიჩნდება მრავალი შეკითხვა: სად არის დამზადებული? რამდენად ხარისხიანია? რა მასალაა? როგორ გავიგოთ უსაფრთხოა ჯანმრთელობისთვის თუ არა? როგორ მოვუაროთ?  და ა.შ. ვეცდებით, ალუმინის უკრავი ზედაპირის მქონე ტაფების მაგალითით მომხმარებლის ყველა ამ შეკითხვაზე პასუხს ერთად მოვუყაროთ თავი.

მაშ ასე, უპირველეს ყოვლისა აუცილებელია, რომ ტაფას/ქვაბს, რომელსაც ვყიდულობთ, მოყვებოდეს ეტიკეტი, სადაც ამოვიკითხავთ ბრენდს, მწარმოებელ ქვეყანას და მასალას, რათა თავიდან ავიცილოთ გაურკვეველი წარმომავლობის და გაურკვევლი მასალისგან დამზადებული პროდუქციის შეძენა. მაგალითად, TVS – Made in Italy, Pyrex® – Made in France, Aluminium …

ამის შემდეგ დავრწმუნდეთ, რომ პროდუქტი არ შეიცავს ჯანმრთელობისთვის მავნე ნივთიერებებს. ეტიკეტზე მოვძებოთ წარწერები: 1. “Lead and Cadmium Free” ან  “No Lead, No Cadmium”  2. “PFOA Free“ ან “No PFOA“  – წარწერები აღნიშნავენ, რომ ეს ტაფა ან ქვაბი არ შეიცავს ტყვიას, კადმიუმს და ქიმიურ ნივთიერება PFOA-ს, იგივე პერფლუოროცტანული მჟავას. ეს ნივთიერებები ჩვენს ორგანიზმში მოხვედრის შემთხვევაში, სიცოცხლისთვის საშიშ მრავალ დაავადებას იწვევს. ამიტომ, უმჯობესია შეძენამდე დავრწმუნდეს, რომ ტაფა/ქვაბი არ შეიცავს ზემოთ ჩამოთვლილი ჯანმრთელობისთვის მავნე ნივთიერებებს.

როგორ გავარკვიოთ რამდენად ხარისხიანია ტაფა/ქვაბი?  – ტაფები/ქვაბები, რომელთა საბაზისო მასალა არის ალუმინი, დაფარულია შრეების სხვადასხვა რაოდენობით. საბოლოო ფენა კი არის უკრავი ზედაპირი. რაც უფრო მეტი შრე აქვს ტაფას/ქვაბს, მით უფრო გამძლე და ხარისხიანია. დაფარვის ტიპი და შრეების რაოდენობა კი მითითებულია ეტიკეტზე.

და ბოლოს, იმისათვის, რომ ტაფა/ქვაბი იყოს აბსოლუტურად უსაფრთხო ჩვენი ჯანმრთელობისთვის და დიდხანს მოგვემსახუროს, მისი წარმომავლობის, მასალის და შემადგენლობის გარკვევასთან ერთად, არანაკლებ მნიშვნელოვანია მოხმარების წესების გათვალისწინებაც.  ჩვენ გირჩევთ:

1.  პირველ გამოყენებამდე გულდასმით გარეცხეთ ნაკეთობის შიდა ნაწილი, თანაბრად წაუსვით მცენარეული ზეთი ან კარაქი, კარგად გააცხელეთ ტაფა, დაელოდეთ მის შეგრილებას და მხოლოდ ამის შემდეგ მოამზადეთ სადილი.

2. ტაფა/ქვაბი ისე მოათავსეთ ანთებულ ქურაზე, რომ ცეცხლი არ ცდებოდეს მის დიამეტრს.

3.  საფარის ვარგისიანობის გასახანგრძლივებლად კი სილიკონის ან ხის ნიჩბები გამოიყენეთ. მაღალი ხარისხი და 100 %-ით ჯანსაღი პროდუქცია ,,სუპერის“ საფირმო ნიშანია. ჩვენს მაღაზიათა ქსელში წარმოდგენილია ტაფებისა და ქვაბების მწარმოებელი ისეთი ბრენდები (TVS-ი, Pyrex® -ი და ა.შ ), რომლებიც სრულიად აკმაყოფილებენ ხარისხის და უსაფრთხოების ევროპულ და ამავე დროს, ჩვენთვის პრიორიტეტულ კრიტერიუმებს. მოვლის წესების გათვალისწინებით კი მათი პრდოუქცია დიდი ხნის მანძილზე თქვენს განუყრელ მეგობრად იქცევა სამზარეულოში.