როგორ გამოვიყენოთ და მოვუაროთ სხვადასხვა ტიპის ჭურჭელს სწორად?
სამზარეულო ჭურჭლის სწორად გამოყენება და მოვლა ისეთივე მნიშვნელოვანია, როგორც მისი ხარისხი. ხშირად სწორედ მცირე დეტალები და ნიუანსების დაცვა განსაზღვრავს, რამდენ ხანს შეინარჩუნებს ქვაბი ან ტაფა თავის ფუნქციურობას, გარეგნობასა და უსაფრთხოებას. თითოეულ მასალას — იქნება ეს უჟანგავი ფოლადი, თუჯი თუ სხვა ტიპის ჭურჭელი — აქვს საკუთარი გამოყენებისა და მოვლის წესები. მათი ცოდნა და სწორად დაცვა დაგეხმარებათ თავიდან აიცილოთ დაზიანება, ფორმის შეცვლა, ზედაპირის გაფუჭება და ზედმეტი ცვეთა.
ამ გვერდზე გაეცნობით რეკომენდაციებს, რომლებიც დაგეხმარებათ თქვენი ჭურჭლის სწორად გამოყენებაში, გაწმენდასა და შენახვაში, რათა იგი დიდხანს დარჩეს საიმედო, პრაქტიკული და ესთეტიკურად მიმზიდველი.
კატეგორიების მიხედვით
უჟანგავი ფოლადის ქვაბი/ტაფა
უკრავი ზედაპირის ქვაბი/ტაფა
თუჯის ქვაბი/ტაფა
ემალის ქვაბი/ტაფა
დანების მოვლა
ხის აქსესუარები
მინის ჭურჭელი
ფაიფური/კერამიკა
დანების მოვლა
Zwilling-ის დანები მაღალი ხარისხის ინვესტიციაა. იმისათვის, რომ მათ წლების განმავლობაში ერთგულად გემსახურონ, აუცილებელია შემდეგი წესების დაცვა:
წმენდა და მოვლა:
დანის მოვლისას ყველაზე მნიშვნელოვანი ასპექტი მისი გაწმენდის წესია: იმისათვის, რომ აგრესიულმა საწმენდმა საშუალებებმა დანის ნაადრევი ცვეთა და კიდეების დაზიანება არ გამოიწვიოს, რეკომენდებულია ხელით გარეცხოთ. აგრესიულმა ქიმიურმა საშუალებებმა დროთა განმავლობაში შეიძლება დააზიანოს პირი და სახელური კი განაცრისფრდეს/შეიცვალოს ფერი, ამიტომ მოერიდეთ ჭურჭლის სარეცხი მანქანის გამოყენებას.
ხელით რეცხვა:
გამოყენების შემდეგ დანა გარეცხეთ გამდინარე თბილ წყალში, მცირე რაოდენობით ჭურჭლის სარეცხი სითხის გამოყენებით. გარეცხვის შემდეგვე დაუყოვნებლივ გაამშრალეთ რბილი ბამბის ქსოვილით ან მიკროფიბერის ქსოვილით.
სახელურის მოვლა:
სახელურის ბზინვარების შესანარჩუნებლად (როგორც პლასტმასის, ისე ხის), რეკომენდებულია სახელურს დროდადრო წაუსვათ ერთი წვეთი საკვები ზეთი. გარეცხვის შემდეგვე საფუძვლიანად გაამშრალეთ დანის სახელურიც.
სიმკვეთრე და გალესვა:
• თავდაპირველი მდგომარეობის შესანარჩუნებლად, რეკომენდებულია დანების პერიოდული გალესვა.
• ბასრი დანა უფრო უსაფრთხოა, ვიდრე ბლაგვი, რადგან ჭრისას ნაკლებ ძალას იყენებთ და ხელი ნაკლებად გეღლებათ
• არასდროს გალესოთ კბილანებიანი დანები სახლის პირობებში – ის ილესება მხოლოდ პროფესიონალის მიერ.
• დანები, რომლებიც წარმოდგენილია სათავსო-სალესით, არ საჭიროებენ დამატებით ლესვას. სათავსოში (block-ში) ჩაშენებული კერამიკული სალესების საშუალებით, ყოველი გამოყენებისას ავტომატურად სწორდება დანის პირი.
• ცვილინგის დანების სიმკვეთრის შესანარჩუნებლად, ბრენდის რეკომენდაციაა გამოიყენოთ Zwilling-ის დანების სალესები.
გასალესად ყველაზე მარტივი და ეფექტურია სალესი ჩხირის გამოყენება.
გასათვალისწინებელია:
1. იპოვნეთ იდეალური კუთხე
თავდაპირველად, სალესი ჩხირი მოათავსეთ ვერტიკალურად, წვერით დაბლა დააყრდენით მაგიდას ან საჭრელ დაფას.
• ZWILLING-ის დანებისთვის: კუთხე დანის პირსა და სალეს ჩხირს შორის უნდა იყოს დაახლოებით 15°.
• Santoku, MIYABI დანებისთვის: გამოიყენეთ უფრო მახვილი, 9-12° კუთხე.
2. მოძრაობა
დანა ოდნავ დახრილ პოზიციაში დაიკავეთ, დანის პირი სალეს ჩხირზე ამოძრავეთ დანის ძირიდან წვერის მიმართულებით. გაითვალისწინეთ:
• პირველი რამდენიმე მოძრაობისას დააწექით ოდნავ ძლიერად, ბოლო ხელის მოსმისას კი შეამცირეთ დაწოლა.
• გაიმეორეთ ეს პროცესი 3-10-ჯერ – ყოველი ხელის მოსმის შემდეგ შეცვალეთ მხარე.
შეამოწმეთ დანის სიმკვეთრე ქაღალდის ტესტით:
აიღეთ ქაღალდის ფურცელი, დაუსვით დანა – თუ საკმარისად ბასრია, დანა ქაღალდს გაჭრის ყოველგვარი შეფერხების და ძალდატანების გარეშე. თუ დანის სიმკვეთრით ჯერ კიდევ არ ხართ კმაყოფილი, გაიმეორეთ დანის პირის გალესვა სასურველ შედეგის მიღწევამდე.
დამატებითი რესურსებისთვის ინგლისურ ენაზე: გადადით ლინკზე
