Your cart is currently empty
უფასო მიწოდება 50₾ ზემოთ შეკვეთებზე თბილისში
როგორ შევარჩიოთ ნაძვის ხე?
სუპერის გზამკვლევი – 2023
ნაძვის ხე საახალწლო ტრადიციების ერთ-ერთი უმთავრესი ელემენტია. მნიშვნელოვანია, რომ ნაძვის ხე არა მხოლოდ ოთახის ინტერიერს უხდებოდეს, არამედ იყოს ხარისხიანი და ინარჩუნებდეს თავდაპირველ იერს სეზონიდან სეზონამდე.
არსებობს სხვადასხვა ბრენდის, მწარმოებლის, ფორმის, ზომის და ფერის ნაძვის ხე. ეს მრავალფეროვნება ხშირად დაბნეულობას იწვევს და გვიჭირს არჩევანის გაკეთება. ჩვენ მოგიყვებით იმ მახასიათებლების შესახებ, რომლებიც აუცილებელია საახალწლო ხელოვნური ნაძვის ხის ასარჩევად.
ბლოგში ვისაუბრებთ შემდეგ საკითხებზე:
ადგილის შერჩევა
შეარჩიეთ ოთახის ყველაზე თვალშისაცემი ადგილი, რომელსაც ოჯახის წევრები ყველაზე ნაკლებად იყენებენ მოძრაობისას. სასურველია, ამ ადგილს ბუნებრივი განათება ხვდებოდეს, ახლოს იყოს დენის წყაროსთან, ხოლო შორს რადიატორისგან, ბუხრისგან, სანთლებისგან ან სხვა ტიპის ცეცხლის ალისგან.
სიმაღლის და დიამეტრის შერჩევა
ადგილის შერჩევის შემდეგ გაზომეთ ჭერის სიმაღლე და ,,მონიშნეთ“ იატაკის ის პერიმეტრი, რომელსაც ნაძვის ხეს დაუთმობთ. რაც უფრო მაღალია ჭერი, მით უფრო მაღალი ნაძვის ხე მოუხდება ოთახს. იდეალური პროპორციისთვის საჭიროა, რომ ნაძვის ხის წვერსა და ჭერს შორის თავისუფალი სივრცე სულ მცირე 30-50 სმ მაინც იყოს, ხოლო ნაძვის ხესა და კედელს შორის თავისუფალი სივრცე 20-30 სმ.
მაგალითად, თუ გსურთ რომ ნაძვის ხემ ოთახი მაქსიმალურად შეავსოს, 320 სმ ჭერის სიმაღლისთვის რეკომენდებულია 270 სმ ნაძვის ხე.
სიმაღლე
ნაძვის ხის ზომები სამ ჯგუფად იყოფა:
დაბალი – ნაძვის ხის სიმაღლე არ აღემატება 180 სმ-ს. იკავებს მცირე სივრცეს და კომპაქტურად თავსდება ოთახში.
საშუალო – ნაძვის ხის სიმაღლეა 210-240 სმ. შესანიშნავია მათთვის, ვისაც სურს სივრცის ოპტიმალურად გამოყენება.
მაღალი – ნაძვის ხის სიმაღლეა 270 სმ და მეტი. იდეალურია მაღალჭერიანი ოთახისთვის.
ფორმა და წიწვები
ფორმა
ადგილის და ზომის არჩევის შემდეგ უკვე შეგიძლიათ ნაძვის ხის ფორმაზეც იფიქროთ. ძირითადად სამი ფორმის ნაძვის ხე არსებობს:
სავსე
ხშირწიწვოვანი, რომელიც დიდ ფართობს იკავებს, ვიდრე ტრადიციული ნაძვის ხე.
ტრადიციული
წაგრძელებული, რომელიც პირველთან შედარებით ნაკლებ დიამეტრს საჭიროებს.
მინიმალისტური
აქვს ყველაზე ნაკლები რაოდენობის ტოტი და მცირე ზომის ფართობს საჭიროებს
წიწვის სახეობები
თუ ხელოვნური ნაძვის ხის შერჩევას საქართველოში აპირებთ, ძირითადად შეხვდებით 3 სახის ხელოვნურ წიწვს, რომლებიც განსხვავდება ხარისხით და გამძლეობით. ესენია:
ნემსისებრი
ნემსისებრი წიწვი ყველაზე ახლოს არის ბუნებრივი წიწვის ვიზუალთან. დამზადებულია ჯანმრთელობისთვის უსაფრთხო – მაღალი ხარისხის პოლიეთილენისგან (PE).
ხელოვნური
წიწვები რბილი, ბრტყელი და ელასტიურია, რაც ქმნის კლასიკური ხელოვნური ნაძვის ხის შეხედულებას. დამზადებულია ჯანმრთელობისთვის უსაფრთხო – მაღალი ხარისხის PVC-ისგან.
წვრილი
წიწვები რბილი, გრძელი და წვრილია. ხშირ შემთხვევაში გამოიყენება დანარჩენი ორი სახის წიწვებთან ერთად. დამზადებულია ჯანმრთელობისთვის უსაფრთხო – მაღალი ხარისხის PVC-ისგან.
ნაძვის ხის შერჩევისას ძირითადად შეხვდებით ამ სამი (ან ორი) სახეობის კომბინაციით მიღებულ ნაძვის ხეებს. რეალურ ნაძვს, ყველაზე მეტად, ნემსისებრ წიწვებიანი ნაძვის ხე ჰგავს. ამიტომ, თუ გსურთ, რომ თქვენი საახალწლო ნაძვის ხე მაქსიმალურად რეალისტურად გამოიყურებოდეს, შეარჩიეთ ის მოდელი, რომლის წიწვების დიდი წილიც ნესმისებრი იქნება.
ფერი და გაფორმება
ყველაზე მნიშვნელოვანი ნაწილი, ალბათ მაინც, ნაძვის ხის ფერი და მისი გაფორმებაა. ფერის არჩევისას აუცილებლად გაითვალისწინეთ ოთახის, ავეჯისა და სათამაშოების ფერები.
მწვანე
თუ გსურთ, რომ მთლიანად საკუთარი გემოვნებით მორთოთ ნაძვის ხე, მაშინ მაქსიმალურად სადა ვიზუალის ნაძვზე შეაჩერეთ არჩევანი. იდეალურია მწვანე ფერის ნაძვის ხე.
დათოვლილი
დათოვლილი ნაძვი ხე გაგიიოლებთ მორთვას და თოვლიანი ზამთრის სიმყუდროვეს შექმნის. უნდა გაითვალისწინეთ რომ თოვლის მასალა არ დროთა განმავლობაში ტოტებს სცილდება.
გირჩებით და კენკრით
გირჩევნიათ წინასწარ დეკორირებული ნაძვი, მაშინ გირჩებითა და კენკრებით გაფორმებული ნაძვის ხე აირჩიეთ
განათებით
თუ თქვენთვის განათების ნაძვის ხეზე განთავსება რთულია და დიდ დროს საჭიროებს, მაშინ განათებით წინასწარ გაფორმებული ნაძვის ხე დაგიზოგავთ დროს და ბიუჯეტს.
კონსტრუქცია
ბოლოს კი, დაკვირვებით შეათვალიერეთ ნაძვის ხის კონსტრუქცია.
სადგამი
იმისათვის, რომ ნაძვის ხე იატაკზე მყარად და სტაბილურად იდგეს, საჭიროა ნაძვის ხეს ჰქონდეს ოთხფეხიანი მეტალის სადგამი. იატაკის დაზიანების თავიდან ასარიდებლად კი სადგამის ბოლოებზე სპეციალური დამცავი რეზინების არსებობაა საჭირო. სადგამის ვიზუალურად გასაფორმებლად კი შეგიძლიათ ნაძვის ხის ძირის დეკორაციები გამოიყენოთ.
ტოტების კონსტრუქცია
ნაძვის ხის მაღალ ხარისხზე მიუთითებს ე.წ გადასაშლელი ტოტები (Hinged Branches), რაც გულსხმობს იმას, რომ ტოტები უკვე დაფიქსირებულია საყრდენ ძელზე, მათი გაშლა კი ხელის ერთი მოძრაობით ხდება. ამგვარი ტიპის ტოტები ნაძვის ხის მყარ კონსტრუქციას და მის დაშლა-აწყობის სიმარტივეს განაპირობებს.