Your cart is currently empty
უფასო მიწოდება 50₾ ზემოთ შეკვეთებზე თბილისში
როგორ შევარჩიოთ საახალწლო განათება
სუპერის გზამკვლევი – 2023
ახალი წელი ყველაზე ჯადოსნური დღესასწაულია, რომელიც სიხარულითა და ულევი ოცნებებითაა სავსე. იდეალური საახალწლო გარემოს შექმნისთვის კი მნიშვნელოვანია ისეთი საახალწლო განათების არჩევა, რომელიც გარემოს სრულყოფილს გახდის და აგვიმაღლებს სადღესასწაულო განწყობას. ამ ბლოგში გაგაცნობთ იმ ძირითად საკითხებს, რომლებიც გაგიმარტივებთ თქვენს მოთხოვნებზე მორგებული საახალწლო განათების შერჩევას.
არსებობს სხვადასხვა ბრენდის, მწარმოებლის, ფორმის, ზომის და ფერის ნაძვის ხე. ეს მრავალფეროვნება ხშირად დაბნეულობას იწვევს და გვიჭირს არჩევანის გაკეთება. ჩვენ მოგიყვებით იმ მახასიათებლების შესახებ, რომლებიც აუცილებელია საახალწლო ხელოვნური ნაძვის ხის ასარჩევად.24px
ბლოგში ვისაუბრებთ შემდეგ საკითხებზე:
ნათურის ტიპები
ნათურის ტიპი მნიშვნელოვნად განსაზღვრავს განათების ხარისხსა და ნათების სიმკვეთრეს. ამ მხრივ, შეგვიძლია გამოვყოთ ორი სახის ნათურა:
LED ნათურა
LED განათება დღესდღეობით სინათლის ყველაზე ენერგოეფექტური წყაროა, რომელიც თანამედროვე ტექნოლოგიით მზადდება და სინათლეს სპეციალური დიოდების საშუალებით გამოყოფს. სინათლეს დაუყოვნებლივ გამოსცემს და ასხივებს უფრო მკვეთრ, კაშკაშა ნათებას. მასზე ზეგავლენას არ ახდენს ხშირი ჩართვა-გამორთვა, იყენებს ნაკლებ ელექტროენერგიას ვიდრე ტრადიციული ნათურები და გემსახურებათ დიდი ხნის განმავლობაში. ამასთანავე, ის ტემპერატურას თითქმის არ იცვლის, შესაბამისად, უსაფრთხოა ბავშვებთან გამოსაყენებლად.
ვარვარის (incandescent) ნათურები
ტრადიციული, ვარვარის (incandescent) ნათურები ნაკლებად ენერგოეფექტურია და არაა განკუთვნილი ხანგრძლივი გამოყენებისთვის. Ამასთანავე, ამგვარი ტიპის ნათურები მეტად ცხელდება და მათი გამოყენება არაა სასურველი ბავშვების გარემოცვაში.
*სუპერში არსებული საახალწლო განათებები მოიცავს მხოლოდ LED განათებებს.
ნათების ფერები
მნიშვნელოვანია ავარჩიოთ ნათების ფერიც, რომელიც კონკრეტულ ხასიათს შესძენს გარემოს და შეგვიქმნის სათანადო განწყობას.
თბილი ყვითელი ნათება
ყველაზე დიდი პოპულარულობით სარგებლობს. უხდება მრავალი სახის გარემოს, თანაბრად შესანიშნავია როგორც მწვანე, ისე სხვა ფერის ნაძვის ხისთვის. ქმნის მყუდრო, თბილ, კომფორტულ აურას. გარემოში შემოაქვს მშვიდი, იმედიანი განწყობა.
მკვეთრი თეთრი ნათება
უნივერსალურია და მრავალი სახის ინტერიერს ერგება. ქმნის უფრო მეტად მკვეთრ ნათებას, რომელიც „თოვლიანი“ ახალი წლის შთაბეჭდილებას ტოვებს და იდეალურად ერწყმის ლურჯ, ცისფერ, ვერცხლისფერ ტონებს.
ფერადი ნათება
ხელს უწყობს ხალისიანი, ცოცხალი და საზეიმო გარემოს შექმნას. გამორჩეულად უხდება ტრადიციულ მწვანე ნაძვს, წითელ-მწვანე ფერში წარმოდგენილ ორნამენტებს და განსაკუთრებით ახალისებს პატარებს.
განათების სახეობები (ფარდა, ბადე, სადენი)
სუპერში შეხვდებით ჰოლანდიური ბრენდების, Koopman-ისა და Kaemingk-ის მაღალი ხარისხის, გამძლე საახალწლო განათებების მრავალფეროვან არჩევანს, რომელიც მოიცავს ნაძვის ხის, ე.წ. ფარდა და ბადე განათებებსა და პროექტორებს.
ტრადიციული
ყველაზე გავრცელებული საახალწლო ნაძვის ხის განათებები შესანიშნავია როგორც ნაძვის ხის მოსართავად, ისე კედლის, ავეჯის, კარისა და ა.შ. გაფორმებისთვის. ერთი მთლიანი სადენი საშუალებას გაძლევთ განათება სასურველ ფორმაზე დაკიდოთ.
ფარდა ან ბადე განათებები
ფარდა ან ბადე განათებები განკუთვნილია სიბრტყეზე: კედელზე, აივანზე, ღობეზე გამოსაყენებლად და შესანიშნავია უფრო მასშტაბური ნათებისა და თვალშისაცემი დეკორისთვის.
საახალწლო პროექტორი
საახალწლო პროექტორი განათების ახალი სახეა, რომელიც უფრო და უფრო პოპულარული ხდება. ლაზერული ტექნოლოგიით შექმნილი საახალწლო გამოსახულებებით ის განსაკუთრებით უხარიათ პატარებს და განკუთვნილია კედლისა და მსგავსი სიბრტყეების გასაფორმებლად.
სანთლის ფორმის
მრგვალი/ოვალური
გასათვალისწინებელია ნათურის ფორმებიც. სანთლის ფორმის ნათურები უფრო ვინტაჟურ იერს სძენს გარემოს, ხოლო მრგვალი/ოვალური ნათურები კი უნივერსალურობით ხასიათდება.
განათებები გხვდება როგორც ერთი, ისე ნათების რამდენიმე რეჟიმით. მრავალფეროვნებისთვის შესანიშნავია საახალწლო განათება სხვადასხვა რეჟიმებით: სტაბილური, ციმციმა, წყვეტილი, სუსტიდან მკვეთრ ნათებაში გარდამავალი და ა.შ.
გამოყენება
განათების შერჩევისას უმნიშვნელოვანესია ვიცოდეთ, მისი გამოყენება გვსურს ღია თუ დახურულ სივრცეში. იმას, თუ სად შეიძლება განათების გამოყენება, გვიჩვენებს ელექტრო მოწყობილობის გარე ფაქტორებისგან დაცულობის ხარისხი (IP Value), რომელიც დატანილია შეფუთვებზე:
მაგალითად, IP20 – გულისხმობს, რომ პროდუქტი მდგრადია მტვრისა და მყარი ობიექტების მიმართ, თუმცა არა წყალთან მიმართებაში. IP44 კი მიგვითითებს, რომ განათება შესაძლებელია გარეთ გამოვიყენოთ, ვინაიდან უძლებს ამინდს, ნესტს, ჟანგს, მყარ ობიექტებსა და სითხეებს.
საახალწლო განათებით მორთვა
საახალწლო განათების სიგრძე
მნიშვნელოვანია, ნათურების რაოდენობა და სადენის სიგრძე ნაძვის ხის ზომასთან თავსებადი იყოს. Როგორი ნათურებით მორთავთ ნაძვს სრულიად თქვენზეა დამოკიდებული, თუმცა არსებობს გარკვეული მოსაზრებები, რომლებიც გადაწყვეტილების მიღებაში დაგეხმარებათ.
განათების არჩევის დროს, რა თქმა უნდა, სადენის სიგრძეს უდიდესი მნიშვნელობა აქვს, თუმცა არ უნდა დავივიწყოთ, რომ ნათება ასევე დამოკიდებულია ნათურების რაოდენობაზე. არანაკლებ ყურადღებას იმსახურებს ნათურებს შორის არსებული მანძილიც – თუ გსურთ ხშირი, დატვირთული ნათება, უმჯობესია აირჩიოთ სადენი ახლოს, მჭიდროდ განლაგებული ნათურებით. ნაკლებად ხშირი ნათებისთვის კი ყურადღება შეაჩერეთ სადენზე, რომელზეც ნათურები მოშორებითაა განთავსებული.
ტრადიციული საახალწლო განათებით ნაძვის ხის მორთვისას კარგია, თუ ნათურებს მოვათავსებთ ტოტების შიდა და გარე სივრცეებში, რათა ნათება ნაკლებად ზედაპირული და უფრო სრული იყოს. რეკომენდებულია მორთვა დაიწყოთ ნაძვის ხის ქვედა ნაწილიდან წვეროსკენ.
ფარდა/ბადე განათებისთვის Პირველ რიგში, შეარჩიეთ სივრცე, რომელსაც მოერგება განათების ზომები – ჰორიზონტალურად და ვერტიკალურად. გაითვალისწინეთ, რომ არჩეულ სივრცეში არსებობდეს აქსესუარები კაბელის განსათავსებლად და ახლოს იყოს დენის წყარო.
პროექტორის შემთხვევაში კი ყურადღება მიაქციეთ ნათების მანძილს, ფერს და ამის მიხედვით მონახეთ მისი დასადგმელი სათანადო ადგილი
იმედი გვაქვს, გაგიმარტივებთ სასურველი დეკორაციის შერჩევას. ჩვენი განათებების სრული ასორტიმენტის სანახავად კი მიჰყევით ბმულს: