პროდუქტის აღწერილობა

წარმოგიდგენთ საოცარ თოჯინა ტასოს, რომელიც სპეციალურად “სუპერი”-ს შეკვეთით დამზადებულია IMC Toys-ის მიერ. თოჯინა ყველასგან გამორჩეული და უნიკალურია – ის პირველი ქართულენოვანი თოჯინაა, რაც გულისხმობს, რომ “ესმის” ქართულად და სიტყვებსაც ასევე  ქართულად იმეორებს. 

ინტერაქტიური თოჯინა საოცრად რეალისტური მახასიათებლებით გამოირჩევა: ნამდვილი პატარების მსგავსად, ის პასუხს სცემს და სვამს შეკითხვებს, ამოძრავებს თავს და პირს. აქვს შეხების, ხმის, ნათების და მოძრაობის 4 სენსორი თამაშის დროს ურთიერთობისთვის, რაც მასთან თამაშს არამხოლოდ სახალისოს, არამედ სოციალური უნარებისთვის მნიშვნელოვანი საგანმანათლებლო მახასიათებლებით დატვირთულს ხდის. 

ვიდეო:

როგორ ვითამაშოთ ტასოსთან?

პირველ რიგში საჭიროა მიმართოთ თავისი სახელით – “ტასო”, ამის შემდეგ კი შეასწავლოთ სხვადასხვა სირთულის სიტყვები 3 ეტაპად:

1. ასწავლეთ მარტივი სიტყვა “ბაბა”
2. ტასო უკვე მეორე საფეხურზეა და ამბობს “მარტივად ვითვისებ”.  შეასწავლეთ სიტყვები: “გამარჯობა”;  “კი/არა”; “გემრიელია”; “კარგად”
3. ტასო მესამე საფეხურზე გადასვლისას ამბობს: “მაგარია! ისე ვსაუბრობ, როგორც დიდი”. ახლა კი შეგიძლიათ შედარებით რთული სიტყვები და სიტყვათა კომბინაციები შეასწავლოთ: “ვარსკვლავები”; “დიდი გოგო”; “ხელები ჩაკიდეთ”; “ღამე მშვიდობის”; “საწოვარა”;  “ლამაზი ფისო”; “მიყვარხარ”.

ტასოს უხარია, როდესაც ამჩნევთ მის მიღწევებს! როდესაც გაიმეორებს თქვენს სიტყვებს, წაახალისეთ და უთხარით “მაგარია”. იმისთვის, რომ ტასომ კიდევ გაიმეოროს თქვენი ნათქვამი, უთხარით “კიდევ თქვი, გაიმეორე”. შეეკითხეთ “გიყვარვარ?” ან “გშია?” – ის გიპასუხებთ თავისი რამდენიმე ვერსიიდან რომელიმეს. 

როგორც ყველა პატარა, ტასოც ცნობისმოყვარეა – მას შეკითხვების დასმაც ძალიან უყვარს. როდესაც შეკითხვას დაგისვამთ, უპასუხეთ სიტყვებით: “კი” ან “არა”.  გარდა ამისა, ის სითბოსაც არ მოგაკლებთ – მიმართეთ სიტყვით “კოცნა” და ის ჰაეროვან კოცნას გამოგიგზავნით. თუ მუცელზე მოუღუტუნებთ, ის სიცილს დაიწყებს, ხოლო თუ დაარწევთ, ის იტყვის: “ძალიან სახალისოა”. 

თანაც ეს ყველაფერი არაა! მას ასევე მოჰყვება მობილური ტელეფონი, რომლითაც ის ოჯახის წევრებს ესაუბრება სხვადასხვა სიტყვათა კომბინაციებით. ამისთვის საჭიროა, მობილური მარცხენა ყურთან მიუტანოთ.  ტასოს შეუძლია 150-ზე მეტი სიტყვის და წინადადების თქმა!

Მახასიათებლები:

• დამზადებულია ბავშვისთვის უსაფრთხო მასალებისგან
• მუშაობს ელემენტებზე
• მოჰყვება 4 x 1.5V LR6 (AA) ელემენტი ,,Try-Me’’ რეჟიმზე ფუნქციონირებისთვის. ჩვეულ რეჟიმზე მუშაობისთვის ელემენტებს შესაძლოა დასჭირდეს შეცვლა
• ხელს უწყობს სოციალური და შემოქმედებითი უნარების განვითარებას
• ელემენტების შეცვლა ყოველთვის უფროსების თანდასწრებით უნდა მოხდეს
• გამოყენებამდე წაიკითხეთ ინსტრუქცია და დაიცავით ის
• სანამ ბავშვს მისცემთ სათამაშოს, მოხსენით ტრანსპორტირების დროს დამაგრების და დაცვისთვის განკუთვნილი ყველა დეტალი (პლასტმასის ნაწილები, ეტიკეტები, მავთულები და ა.შ.)

მოვლის ინსტრუქცია:

პროდუქტის გასაწმენდად გამოიყენეთ ოდნავ დასველებული ქსოვილი. არ გამოიყენოთ სარეცხი ან გამხსნელი საშუალებები. იმ შემთხვევაში თუ სათამაშო დასველდება, გამორთეთ და დაუყოვნებლივ ამოიღეთ ელემენტები. გაწმინდეთ ელემენტების სათავსო მშრალი ქსოვილით. დატოვეთ ელემენტების სათავსო ღია მდგომარეობაში და არ გამოიყენოთ სათამაშო მის სრულ გაშრობამდე.

დეტალები:

მასალა: პლასტმასი, ქსოვილი
თოჯინას ზომები: 25×13.5×33.5 სმ
რეკომენდებული ასაკი: 3+
საჭიროებს ელემენტს: დიახ, საჭიროებს 4 x 1.5V LR6 (AA) ელემენტს
ელემენტები მოჰყვება: დიახ

პროდუქტი მოიცავს:

1 x ქართულენოვანი ინტერაქტიური თოჯინა ტასო
1 x თოჯინას მობილური

ბრენდის შესახებ

IMC Toys არის სათამაშოების მწარმოებელი ესპანური კომპანია, რომელიც მომხმარებელს სთავაზობს ბავშვების საყვარელი პერსონაჟების სათამაშოებს. სათამაშოები განკუთვნილია 0-დან 12 წლის ასაკის ბავშვებისთვის.

Cry Babies, Mickey and the Roadster Racers, Club Petz, Yo-Kai Watch, Baby Wow, Baby Wee – წარმატებული ბრენდებია, რომლებიც ასოცირებულია IMC Toys-სთან და დიდი მოწონებით სარგებლობს მსოფლიოს 50-ზე მეტ ქვეყანაში.

IMC Toys-ის პროდუქტები მკაცრ საწარმოო კონტროლს ექვემდებარება, რათა უზრუნველყონ თქვენი შვილების გართობა და უსაფრთხოება.

IMC Toys მუდმივად ისწრაფვის ინოვაციებისკენ,  რადგან ეს მიაჩნია კომპანიის სტაბილური ზრდის აუცილებელ პირობად. IMC Toys  ევროპაში სექტორის საუკეთესო ოცეულშია. პროდუქციის დიზაინი იქმნება ბარსელონაში, რეალიზაცია კი ხორციელდება თითქმის მთელს მსოფლიოში.

მიმოხილვები (1)