Bisetti – სამზარეულოს აქსესუარების მწარმოებელი ლიდერი ბრენდი იტალიიდან, რომლის ისტორია 1945 წელს, ორტის ტბის მიდამოებში იწყება. დახვეწილი სტილისა და სახასიათო იტალიური ხარისხის ასორტიმენტი განსაკუთრებით ცნობილია მარილისა და პილპილის მრავალფეროვანი საფქვავებით. სხვადასხვა მასალებისგან (ხის, აკრილისა თუ კერამიკისგან) დამზადებული საფქვავები ინგრედიენტს სიჯანსაღეს, არომატს, გემოვნურ მახასიათებლებს უნარჩუნებენ, ხასიათდებიან მაღალი ფუნქციონალურობით და თანაბრად ელეგანტურად გამოიყურებიან როგორც სამზარეულოში, ისე რესტორნის სუფრაზე.

Bisetti-ს პროდუქციის გამორჩეულობა ადგილობრივი ხელობის აქტიურ გამოყენებასა და განვითარებაში  მდგომარეობს. ტრადიციული ოსტატობა და უახლესი ტექნოლოგიები შეუდარებელ კომბინაციას ქმნის და უზრუნველყოფს იმ უმაღლეს სტანდარტებს, რასაც თანამედროვე ბაზარი საჭიროებს.

ბრენდისთვის მნიშვნელოვანი ღირებულებაა გარემოზე ზრუნვა, სწორედ ამიტომ მას აქვს ნარჩენების  გადამამუშავებელი საკუთარი  სისტემა და იყენებს ენერგიის დამოუკიდებელ წყაროს, რომლითაც მნიშვნელოვნად ამცირებს ნახშირბადის წარმოქმნას. Bisetti-ს პროდუქციის ხარისხსა და გარემოზე ზრუნვას კი ადასტურებს არაერთი სერტიფიკატი –  FSC, ISO 9001, ISO 22000, FDA და სხვა.