მოხმარების წესები და პირობები

ბოლოს განახლების თარიღი: 20.10.2022

მოგესალმებით კომპანია შპს “სუპერი“-ის ვებ გვერდზე – www.superstore.ge.
გთხოვთ, ყურადღებით გაეცნოთ შეთანხმების პირობებს, რადგან www.superstore.ge -ის ნებისმიერი მომსახურებით სარგებლობისას, თქვენ თანხმობას აცხადებთ მოცემული მომსახურების პირობებზე.

*საქართველოში მოქმედი კანონმდებლობისა და გარემოს ცვლილებების შესაბამისად შესაძლებელია რომ მოცემულ სამომხმარებლო შეთანხმებაში პერიოდულად შევიდეს ცვლილებები. ჩვენ ყოველთვის შევეცდებით მივაწოდოთ ინფორმაცია მომხმარებლებს, თუმცა ეს ჩვენი ვალდებულება არ არის, ამიტომ გთხოვთ პერიოდულად შეამოწმოთ superstore.ge-ის შეთანხმების პირობები. 

**შეთანხმების თავში მოცემულია ბოლო განახლების თარიღი. საიტის სარგებლობის დროს უახლოესი ვერსიის გაცნობა თქვენი პასუხისმგებლობაა. 

I ჩვენი მომსახურება:

1. www.superstore.ge არის ონლაინ მაღაზია, რომელიც შესაძლებლობას აძლევს მომხმარებელს ამავე  ვებ-გვერდის საშუალებით შეიძინოს მასზე  წარმოდგენილი პროდუქცია და მიიღოს მომსახურება.
   
2. www.superstore.ge – ის ონლაინ მაღაზიასთან ერთად ფუნქციონირებს შპს “სუპერი” -ის რეალური მაღაზიები, სადაც მომხმარებელს ადგილზე შეუძლია შეიძინოს პროდუქცია.
   
3. შესაბამისად მაღაზიაში მისულ მომხმარებელსა და ვებ-გვერდზე მყოფ მომხმარებელს შორის ვაჭრობა მიმდინარეობს კონკურენციის პირობებში.
   
4. ვებ-გვერდზე მყოფი მომხმარებლის მიერ შერჩეული პროდუქტი, რომელიც სამომხმარებლო კალათაში აღმოჩნდება, შესყიდვის ოპერაციის განხორციელებამდე არ  იქნება დაზღვეული იმ რისკისგან, რომ  ვებ გვერდზე  სხვა დარეგისტრირებული ან/და მაღაზიაში ადგილზე მისული მომხმარებელი არ დაასწრებს და არ შეიძენს ამავე ნივთს. ამიტომ გირჩევთ ყოველთვის დროულად განახორციელოთ შესყიდვის ოპერაცია, რათა დროულად მოხდეს თქვენი შეკვეთის შეგროვება მაღაზიიდან.
   
5. superstore.ge არ იღებს პასუხისმგებლობას იმაზე, რომ თქვენ, როგორც ვებ გვერდის მომხმარებელმა, ვერ შეიძინეთ სასურველი პროდუქტი მიუხედავად იმისა, რომ ეს პროდუქტი შეძენის მომენტამდე,  გადახდის ოპერაციის განხორციელებამდე იხილეთ ვებ გვერდზე ან ჩაინიშნეთ ის თქვენს ონლაინ კალათაში მოთავსებით.
   
6. იმ შემთხვევაში, თუ სისტემამ უარი გითხრათ ტრანზაქციის განხორციელებაზე და მოგაწოდათ ინფორმაცია თქვენს მიერ შერჩეული პროდუქტის არ არსებობასთან დაკავშირებით, თქვენ აცხადებთ თანხმობას, რომ მიიღოთ ეს ინფორმაცია არსებული შეთანხმების შესაბამისად.
   
7. იმ შემთხვევაში, თუ ვებ გვერდზე განთავსებული პროდუქტი მოცემულია არასწორი ფასით ან ინფორმაციით, რაც გამოწვეულია სისტემური შეცდომით, კომპანიას უფლება აქვს ამ შემთხვევაში უარი თქვას შეკვეთაზე ან შეაჩეროს შეკვეთა. ეს უფლება ძალაშია მაშინაც, როცა გადახდა უკვე განხორციელებულია.

II თქვენი  ანგარიში და  მონაცემები

1. Superstore.ge-ზე პროდუქციის შეკვეთა შესაძლებელია მომხმარებლის ანგარიშის შექმნის შემდეგ. თქვენ ხართ პასუხიმგებელი თქვენი მომხმარებლის ანგარიშზე და მასთან სხვა პიროვნებების წვდომაზე.
   
2. ჩვენ არ ვაგებთ პასუხს არაუფლებამოსილი პირის მიერ თქვენი მომხმარებლის გვერდის გამოყენების შედეგად დამდგარ ნებისმიერი ტიპის ზიანზე.
   
   ჩვენი რეკომენდაციაა რომ ყოველთვის გამოიყენოთ ანგარიშის გვერდიდან გასვლის ფუნქცია, როდესაც ტოვებთ მოწყობილობას ყურადღების მიღმა.
   იმ შემთხვევაში თუ დაკარგავთ თქვენს ანგარიშზე წვდომას ან მოხდება მისი გამოყენება თქვენი ნებართვის გარეშე, გთხოვთ, დაუყოვნებლივ მოგვმართოთ რათა შევძლოთ შესაბამისი უსაფრთხოების ზომების მიღება.
   
3. გახსოვდეთ, როგორც რეგისტრირებულ მომხმარებელს, ნებისმიერ დროს გაქვთ საშუალება შეცვალოთ, შეასწოროთ ან დაამატოთ თქვენს ანგარიშში არსებული ინფორმაცია.
   
4. იმ შემთხვევაში თუ გსურთ თქვენი ანგარიშის გაუქმება უნდა მოგვმართოთ მოთხოვნით ელ.ფოსტაზე. გაითვალისწინეთ რომ თქვენი ანგარიშის გაუქმების მიუხედავად ანგარიშის მონაცემები არ იშლება და რჩება სუპერის სისტემაში კონფიდენციალურობის დაცვის გარანტიით.

III შეკვეთის განხორციელება:

• გადახდის საშუალებები
  
  superstore.ge-ზე ანგარიშსწორება შესაძლებელია:

1. ბარათით

2. ონლაინ განვადებით

3. საბანკო გადარიცხვით
 

ბარათით გადახდისას შეგიძლიათ გამოიყენოთ ნებისმიერი ბანკის Visa, Mastercard ან Amex-ის ტიპის ბარათები.

იხილეთ მეტი ბარათით გადახდის შესახებ

ონლაინ განვადებით შეგიძლიათ ისარგებლოთ თიბისი ბანკის, საქართველოს ბანკის ან სფეისის განვადებით.
იხილეთ ონლაინ განვადებით შეძენის ინსტრუქცია

ინვოისით გადახდა მოსახერხებელია ორგანიზაციებისთვის, თუმცა ფიზიკურ პირებსაც შეუძლიათ ამ მეთოდით სარგებლობა.
შეკვეთის განთავსების შემდეგ თანხას რიცხავთ ჩვენს საბანკო ანგარიშზე თიბისის, საქართველოს ან ტერა ბანკში.
*გადარიცხვა უნდა დაფიქსირდეს შეკვეთიდან არაუგვიანეს 2 სამუშაო დღისა. Წინააღმდეგ შემთხვევაში შეკვეთა ავტომატურად გაუქმდება.
იხილეთ ინვოისით გადახდის ინსტრუქცია

• ყიდვა და ნაკლული შეკვეთა:

1. საიტიდან პროდუქტის შეკსაკვეთად საჭიროა სასურველი ნივთები დაამატოთ კალათაში. მიუთითოთ თქვენი პირადი მონაცემები და მიწოდების მისამართი. 
2. ბარათით გადახდის შემთხვევაში მონაცემები უნდა შეიყვანოთ ბანკის საგადახდე სისტემის გვერდზე რომელზეც გადახვალთ შეკვეთის დროს.
   
   იხილეთ ბარათის მონაცემების შევსების ინსტრუქცია
   
3. გაითვალისწინეთ რომ საგადახდე სისტემის ან ონლაინ განვადების გვერდზე შეყვანილ მონაცემებზე სუპერს არ აქვს წვდომა და არ არის პასუხისმგებელი თქვენს მიერ შეყვანილ ინფორმაციაზე.
   
4. როდესაც შესყიდვის თანხა ტექნიკურად წარმატებულია სუპერი იწყებს შეკვეთის მომზადებას და მასთან დაკავშირებულ პროცედურებს.
   
5. თუ ბანკის ხარვეზის გამო თანხის დროულად ასახვა არ მოხდა სუპერში, მაშინ სუპერი უფლებას იტოვებს არ დაჯავშნოს პროდუქტები და ხელმისაწვდომი გახადოს ისინი სხვა მომხმარებლებისთვის.
    
6. ბანკთან კომუნიკაცია მომხმარებლის ვალდებულებაა და გადარიცხვის ხარვეზით გამოწვეულ ზიანზე სუპერი ვერ აიღებს პასუხისმგებლობას.
   
7. ბანკის მხრიდან მოწოდებულ ტექნიკურ ინფორმაციაზე დაყრდნობით სუპერი ელ.ფოსტის და SMS შეტყობინების სახით აფრთხილებს მომხმარებლებს გაუქმებული/ხარვეზული ჩარიცხვების შესახებ, რათა მომხმარებლებმა სწრაფად შეძლონ რეაგირება.

IV ტრანსპორტირება:

1. ონლაინ შეძენილი პროდუქტის მიტანა ხდება ნებისმიერ მისამართზე საქართველოში, სოფლების ჩათვლით. მიწოდებას ახორციელებს სუპერის პარტნიორი საკურიერო კომპანია(ები).
   
   ონლაინ შეკვეთილი პროდუქტების თქვენს მიერ წაღება შესაძლებელია წინასწარ განსაზღვრული ფილიალიდან. 

V ტრანსპორტირების ფასი & სისწრაფე:

მიწოდების ვადები დამოკიდებულია მომხმარებლის მისამართზე

1. თბილისი*

შეკვეთები თბილისში მოგეწოდებათ შეკვეთიდან 0-2 სამუშაო დღეში.
50 ლარზე მეტი შენაძენის შემთხვევაში საკურიერო მომსახურება უფასოა.
50 ლარამდე შენაძენის შემთხვევაში მიწოდების საფასურია 5 ლარი.

შენიშვნები:

* ფასდაკლების პერიოდში შეკვეთების მიწოდება შესაძლოა გახანგრძლივდეს 1-2 სამუშაო დღით.

* დღესასწაულების ან დასვენების დღეებში შეკვეთების მიწოდება შესაძლოა გადაიდოს ამავე პერიოდით.

თბილისში ასევე შეგიძლიათ ისარგებლოთ 3 საათიანი მიწოდებითაც.
ამ სერვისის ღირებულებაა 10 ლარი.

11:00 საათიდან 18:00 საათამდე შეკვეთილი პროდუქცია მოგეწოდებათ მაქსიმუმ 3 საათში. 

18:00 საათის შემდეგ განხორციელებულ შეკვეთას მიიღებთ მომდევნო დღის 14:00 საათამდე.

შენიშვნები:

* ფასდაკლების პერიოდში ექსპრეს შეკვეთების მიწოდება შესაძლოა გახანგრძლივდეს 3-4 საათით ან ვერ მოხდეს იმავე დღეს ჩაბარება.

* დასვენების დღეებში, ღესასწაულების ან უამინდობის დროს ექსპრეს მიწოდება შესაძლოა არ იყოს ხელმისაწვდომი.

2. ყველა სხვა ქალაქი*

შეკვეთილი პროდუქცია ადგილზე მოგეწოდებათ შეკვეთის განხორციელებიდან 2-5 სამუშაო დღის განმავლობაში.

100 ლარზე მეტი შენაძენის შემთხვევაში საკურიერო მომსახურება უფასოა.
100 ლარამდე შენაძენის შემთხვევაში მიწოდების საფასურია 10 ლარი.

სოფლებში მიწოდება შეიძლება გახანგრძლივდეს დამატებით 2-4 სამუშაო დღით. სოფლებში მიწოდებას არ ემატება დამატებითი ღირებულება.

შენიშვნები:

* ფასდაკლების პერიოდში შეკვეთების მიწოდება შესაძლოა გახანგრძლივდეს 2-5 სამუშაო  დღით.

* დღესასწაულების, უამინდობის ან დასვენების დღეებში შეკვეთების მიწოდება შესაძლოა გადაიდოს ამავე პერიოდით.

VI ტრანსპორტირების რისკები & პოლიტიკა:

1. superstore.ge-ზე შეკვეთის შემდეგ თქვენი ამანათი ყველა აუცილებელი ინფორმაციით (მიმღების პერსონალური ინფორმაცია, შეკვეთის კოდი, თარიღი თუ სხვა) გადაეცემა პარტნიორ საკურიერო კომპანიას. ამანათის საკურიერო კომპანიაზე გადაცემის დროს მთავრდება სუპერის პასუხისმგებლობა და გადადის სატრანსპორტო კომპანიაზე.
   
2. ჩვენ ვერ ავიღებთ შუამავალი კომპანიის შეცდომებზე, დაუდევრობაზე ან შესაძლო უხარისხო მომსახურებაზე პასუხისმგებლობას. ამიტომ ამანათის ჩამბარებლის ვალდებულებაა ყურადღებით შეამოწმოს მიღებული პროდუქციის მდგომარეობა, დარწმუნდეს მის დაუზიანებლობის, მოდელისა და რაოდენობის სისწორეში და მხოლოდ ამის შემდეგ მოაწეროს ხელი საკურიერო კომპანიის მიერ წარმოდგენილ დოკუმენტაციას.
   
3. საკურიერო კომპანიის წარმომადგენელი ვალდებულია დაგელოდოთ და ხარვეზის აღმოჩენის შემთხვევაში უკან დაიბრუნოს ამანათი.
   
4. გადაცდომის შემთხვევაში აუცილებელია შეგვატყობინოთ ელ.ფოსტაზე ან დაგვიკავშირდეთ ვებ-გვერდზე მითითებულ ტელეფონის ნომერზე.
   
5. დაზიანებული ან ხარვეზული პროდუქტის ჩაბარების შემთხვევაში სუპერი არ არის ვალდებული განიხილოს პრეტენზია.
   
6. *იმ შემთხვევაში თუ მიწოდებულ პროდუქციას აღმოაჩნდა ფარული ნაკლი, რომლის გამოვლენაც ობიექტურად შეუძლებელი იყო მისი პირველადი დათვალიერებისას, მომხმარებელი ვალდებულია დაუყოვნებლივ დააფიქსიროს პრეტენზია ელ.ფოსტაზე ან ვებ-გვერდზე მითითებულ ტელეფონის ნომერზე და ჩაბარებიდან 14 კალენდარული დღის განმავლობაში ეწვიოს წინასწარ შეთანხმებულ ფილიალს, სადაც დადგინდება ნივთის დაზიანება ქარხნულია თუ მექანიკური, რის შემდეგაც მიიღება საბოლოო გადაწყვეტილება.
   
7. თუ კურიერს არ დახვდებით მისამართზე ან ვერ შეძლებთ ამანათის ჩაბარებას, უფლებას ვიტოვებთ რომ გზავნილი დავაბრუნოთ ჩვენს მაღაზიაში ან საკურიეროს გაცემის წერტილში და შემდგომში თავად გაიტანოთ.
   
8. კურიერი უფლებას იტოვებს თქვენს მითითებულ მისამართზე მყოფ სხვა პიროვნებას ჩააბაროს გზავნილი.

VII ონლაინ მაღაზიაში შეძენილი პროდუქტის გამოყენება, დაბრუნება, გადაცვლა და ონლაინ შეკვეთის გაუქმება:

• გამოყენება

1. superstore.ge-ზე ნივთის შეძენამდე აუცილებელია გაეცნოთ ნივთის მახასიათებლებს, აღწერას და სურათებს, რათა დარწმუნდეთ რომ ნივთი ნამდვილად ერგება თქვენს საჭიროებებს.
2. შეძენილი ნივთის გამოყენებისას აუცილებელია ინსტრუქციისა და საიტზე მითითებული რეკომენდაციების გათვალისწინება. დეტალების დასაზუსტებლად შეგიძლიათ მოგვწეროთ სოციალურ ქსელში ან დაგვიკავშირდეთ ვებ-გვერდზე მითითებულ ნომერზე.
3. ნივთის გამოყენებისას კატეგორიულად აკრძალულია მისი არადანიშნულებისამებრ მოხმარება.

• მაგალითად ქვაბი, რომელიც არ გამოიყენება ინდუქციურ ქურაზე, არ უნდა გამოიყენოთ ასეთი სახის ქურაზე.

მაგალითად ტაფა, რომელიც განკუთვნილი არ არის უცხიმოდ მზადებისთვის, დაუშვებელია გამოიყენოთ ცხიმის გარეშე.
მაგალითად ჭურჭელი, რომელიც არ გამოიყენება მიკროტალღურ ღუმელში, შესაბამისად არ უნდა გამოიყენოთ მიკრო ტალღურ ღუმელში.

• გაცვლა
  
  1. პროდუქტის გაცვლა შესაძლებელია შეკვეთის მიღებიდან 3 დღის განმავლობაში.
     
  2. აუცილებელია წინასწარ დაუკავშირდეთ საინფორმაციო ცენტრს და აცნობოთ პროდუქტის გაცვლის შესახებ.
     
  3. მომხმარებელი უნდა ეწვიოს წინასწარ შეთანხმებულ ფილიალს. ფილიალში მენეჯერის თანდასწრებით შემოწმდება ნივთები. თუ ნივთს შენარჩუნებული აქვს პირვანდელი სარეალიზაციო სახე, შესაძლებელია ნივთი გადაიცვალოს იმავე ან სხვა ხელმისაწვდომ ალტერნატივაში.
     
  4. თუ ნივთი შეძენილია ფასდაკლების დროს და იმავე ნივთში ხდება გადაცვლა, მაშინ მომხმარებელი სარგებლობს იმავე ფასდაკლების პირობით და არ იხდის დამატებით თანხას.
     იმ შემთხვევაში თუ გადაცვლა ხდება სხვა ნივთში, მაშინ მასზე იმავე ფასდაკლების პირობა აღარ მოქმედებს.
     
     მაგალითი 1: იმ შემთხვევაში თუ სათამაშოს აღმოაჩნდა ქარხნული წუნი და გსურთ მისი გადაცვლა, ამ შემთხვევაში, რა თქმა უნდა, დამატებითი ხარჯების გარეშე ხდება იგივე პროდუქტში გადაცვლა.
     
     მაგალითი 2: თუ ნივთი შეიძინეთ 30 ლარად და გსურთ მისი გადაცვლა სხვა ნივთში, მაშინ გადასაცვლელი ნივთის მიმდინარე ღირებულება უნდა იყოს 30 ლარი ან მეტი. მეტობის თანხის გადახდა ხდება მაღაზიის სალაროში.
     
     მაგალითი 3: თუ თქვენ 50%-იანი ფასდაკლების დროს შეიძინეთ 30 ლარიანი სათამაშო 15 ლარად და მომდევნო დღეს გადაწყვიტეთ სხვა სათამაშო(ებ)ში გადაგეცვალათ, თქვენ ვერ ისარგებლებთ ფასდაკლებით დანარჩენ სათამაშოებზე თუ აქცია დასრულებულია.
     

VIII პერსონალური მონაცემების დაცვისა და დამუშავების შესახებ:

1. პერსონალური ინფორმაცია

სუპერი თავისი საქმიანობის დროს ვალდებულია დაიცვას მომხმარებლის პირადი მონაცემები საქართველოს კანონმდებლობის, მათ შორის, პერსონალურ მონაცემთა დაცვის შესახებ კანონმდებლობის შესაბამისად.

ქვემოთ მოცემულია ინფორმაცია იმის შესახებ, თუ რა პერსონალურ ინფორმაციას ვამუშავებთ და ვიყენებთ იმისთვის რომ მუდმივად გავაუმჯობესოთ და გავამარტივოთ ჩვენი მომსახურება:

1. ▪ ინფორმაცია, რომელსაც გვაწვდით თავად – ჩვენ ვიღებთ და ვინახავთ ნებისმიერ ინფორმაციას, რომელსაც გვაწვდით ინტერნეტ მაღაზიაში ან სხვა საშუალებით. თქვენ შეგიძლიათ არ მოგვაწოდოთ ესა თუ ის ინფორმაცია, თუმცა ამ შემთხვევაში, ვერ ისარგებლებთ იმ უპირატესობებით, რომელი უპირატესობების სარგებლობისათვის აუცილებელია ესა თუ ის ინფორმაცია, მაგალითად, თუ არ გვეცოდინება თქვენი მისამართი, ვერ შევძლებთ პროდუქტის მოწოდებას და ვერ დავითვლით ტრანსპორტირების ფასს, მისამართის შესახებ ინფორმაციის მოწოდებამდე.
   
2. ▪ ავტომატურად მოწოდებული ინფორმაცია – ჩვენ ვინახავთ და ვიყენებთ თქვენი ინტერნეტ ბრაუზერის მიერ ავტომატურად მოწოდებულ ინფორმაციას, როგორიცაა ‘cookies’-ს.
   
   Cookies ფაილები არის მცირე ზომის ტექსტური ფაილები, რომლებიც, ჩვენს ვებ-გვერდზე შემოსვლისას, შეინახება თქვენს კომპიუტერში, პლანშეტში, მობილურ ტელეფონსა თუ სხვა ელექტრონულ მოწყობილობაში. ეს ფაილები არ წარმოადგენს საფრთხეს არც თქვენი კომპიუტერისა თუ სხვა მოწყობილობისთვის და არც თქვენი უსაფრთხოებისთვის. როდესაც შედიხართ ჩვენს ვებსაიტზე, ქუქი-ფაილები საშუალებას აძლევს ვებსაიტს უკეთ მოგერგოთ თქვენ.
   
3. ▪ ელექტრონული ფოსტა და ტელეფონის ნომერი – ელექტრონული კომუნიკაციების სრულყოფის მიზნით, აუცილებელია საკონტაქტო წყაროდ გამოვიყენოთ ელ.ფოსტა და ტელეფონის ნომერი რათა დავრწმუნდეთ რომ თქვენ მიიღეთ ჩვენი წერილი და გაეცანით მას.
   
4. ▪ სხვა წყაროებიდან მიღებული ინფორმაცია – ჩვენ ასევე შეიძლება მივიღოთ ინფორმაცია თქვენ შესახებ სხვა წყაროებიდან, და ეს ინფორმაცია ჩავამატოთ თქვენ შესახებ ინფორმაციაში. მაგალითად, თუ თქვენ გამოიყენებთ Facebook-ით ავტორიზაციას, მაშინ ჩვენ შეიძლება ავტომატურად ავიღოთ Facebook-ის მიერ ღიად მოწოდებული ინფორმაცია (ელ.ფოსტა, სახელი, გვარი) თქვენ შესახებ.

თუ გსურთ, რომ უფრო მეტი გაიგოთ ქუქი-ფაილების შესახებ, აღნიშნულის თაობაზე დამატებითი ინფორმაცია შეგიძლიათ მოიძიოთ ინტერნეტსივრცეში.

2. აუცილებელი მინიმალური ინფორმაციის გადაცემა მომსახურების მომწოდებელ მესამე პირზე
   1. მომწოდებელ მესამე პირზე მისი საქმიანობის განხორციელებისათვის და მომხმარებლისათვის სრულყოფილი სერვისის მიწოდების მიზნით, ‘სუპერი’ სარგებლობს სხვა კომპანიების საბანკო და საკურიერო სერვისებით. ამ შემთხვევაში,სუპერი, აუცილებელ პერსონალურ ინფორმაციას (ტვირთის მიმღები პირის სახელი, გვარი, მისამართი, პირადი ნომერი, შეკვეთის ერთჯერადი კოდი, შეკვეთის თარიღი თუ სხვა) აწვდის მესამე პირს და /ან პირებს.
      
   2. ▪ ბიზნესის განვითარება – ჩვენი კომპანია მუდმივად განვითარებადი კომპანიაა, შესაბამისად ჩვენ შეიძლება წამოვიწყოთ ახალი სახის საქმიანობა, ასეთ შემთხვევაში, ჩვენ შეიძლება გამოვიყენოთ თქვენ შესახებ ჩვენს ხელთ არსებული ინფორმაცია ჩვენი ახალი ბიზნეს ინტერესებისათვის.
      
   3. ▪ თქვენი ნებართვით – თუ ჩვენ განვიზრახავთ თქვენ შესახებ ინფორმაციის მესამე პირზე გადაცემას (გარდა ზემოთაღნიშნული შემთხვევებისა) ამის შესახებ ჩვენ წერილობით გაცნობებთ და მხოლოდ თქვენი დასტურის მიღების შემდეგ გადავცემთ ინფორმაციას მესამე პირს.
3. მომხმარებლის პასუხისმგებლობა საკუთარი ინფორმაციის დაცვაზე
   1. თქვენ ხართ პასუხიმგებელი თქვენი მომხმარებლის ანგარიშზე და მასთან სხვა პიროვნებების წვდომაზე. ჩვენ არ ვაგებთ პასუხს არაუფლებამოსილი პირის მიერ თქვენი მომხმარებლის გვერდის გამოყენების შედეგად დამდგარ ნებისმიერი ტიპის ზიანზე.
      ჩვენი რეკომენდაციაა რომ ყოველთვის გამოიყენოთ ანგარიშის გვერდიდან გასვლის ფუნქცია, როდესაც ტოვებთ მოწყობილობას ყურადღების მიღმა.
      
   2. იმ შემთხვევაში თუ დაკარგავთ თქვენს ანგარიშზე წვდომას ან მოხდება მისი გამოყენება თქვენი ნებართვის გარეშე, გთხოვთ, დაუყოვნებლივ მოგვმართოთ რათა შევძლოთ შესაბამისი უსაფრთხოების ზომების მიღება. 
4. მომხმარებლის წვდომა საკუთარ მონაცემებთან
   1. როგორც რეგისტრირებულ მომხმარებელს, ნებისმიერ დროს გაქვთ საშუალება შეცვალოთ, შეასწოროთ ან დაამატოთ თქვენს ანგარიშში არსებული ინფორმაცია.
   2. იმ შემთხვევაში თუ გსურთ თქვენი ანგარიშის გაუქმება უნდა მოგვმართოთ მოთხოვნით ელ.ფოსტაზე. გაითვალისწინეთ რომ თქვენი ანგარიშის გაუქმების მიუხედავად ანგარიშის მონაცემები არ იშლება და რჩება სუპერის სისტემაში კონფიდენციალურობის დაცვის გარანტიით.