სამომხმარებლო შეთანხმება

სამომხმარებლო შეთანხმება

1. ზოგადი უფლებები:

1) კომპანია ,,სუპერი”, აცნობიერებს რა, ,,მომხმარებელთა უფლებების დაცვის შესახებ” საქართველოს  კანონით გათვალისწინებულ წესებსა და პირობებს, მომხმარებელთა კანონისმიერი  უფლებების რეალიზებისა  და მომხმარებლის პატივისცემაზე დამყარებული ქცევის კულტურის ხელშეწყობის მიზნით,   გაცნობებთ იმ უფლებათა თაობაზე, რომელიც გაგაჩნიათ როგორც უშუალოდ  კომპანია ,,სუპერის” სავაჭრო ობიექტებში, ასევე კომპანია ,,სუპერის”  სავაჭრო  ობიექტებიდან პროდუქციის (საქონლის) ონლაინ (დისტაციურად)    შეძენისას.  

უფლება გაქვთ ხელშეკრულების დადებამდე მიიღოთ საქართველოს სახელმწიფო ენაზე, მკაფიოდ და გასაგებად   შემდეგი უტყუარი და სრული ინფორმაცია:   

ა) საქონლის ან მომსახურების დასახელების, მწარმოებლისა და საქონლის ან მომსახურების შესაბამისი არსებითი მახასიათებლების შესახებ, ინფორმაციის მატარებლის სპეციფიკის (მათ შორის, ზომის, შესაძლებლობების) გათვალისწინებით; 

ბ) კომპანიის ,,სუპერის” სრული სახელწოდების და მისამართის (იურიდიული მისამართის) შესახებ,  ელექტრონული ფოსტის მისამართის შესახებ,   ფაქსისა და ტელეფონის ნომრების თაობაზე, რომელთა მეშვეობითაც მომხმარებელს შეეძლება მოვაჭრესთან სწრაფი და ეფექტიანი კომუნიკაცია; არსებობის შემთხვევაში − იმ ფიზიკური თუ იურდიული პირის  საკონტაქტო ინფორმაცია, რომლის სახელითაც მოქმედებს აღნიშნული კომპანია ,,სუპერი”; 

გ)  საქონლის შეცვლის, შეკეთებისა და ტექნიკური მომსახურების ობიექტის დასახელების შესახებ და მისი მისამართის თაობაზე, თუ ის განსხვავდება ამ პარაგრაფის პირველი პუნქტის  „ბ“ ქვეპუნქტში მითითებული მისამართისგან; 

დ) საქონლის ან მომსახურების ფასის შესახებ, ძირითადი ხარჯებისა და დამატებითი ხარჯების (მათ შორის, ტრანსპორტირების, გადაგზავნის, მონტაჟისა და სხვა) მითითებით, ხოლო თუ, საქონლის ან მომსახურების ბუნებიდან გამომდინარე, აღნიშნული ფასის წინასწარ გამოთვლა შეუძლებელია − მისი გამოთვლის წესის თაობაზე და ინფორმაცია იმის შესახებ, რომ შეიძლება დამატებითი ხარჯები წარმოიშვას; 

ე) გადახდის, საქონლის ან მომსახურების მიწოდებისა და ვალდებულების შესრულების პირობების შესახებ და მოვაჭრის მიერ მომხმარებლის მოთხოვნის განხილვის წესის თაობაზე; 

ვ) კანონისმიერი გარანტიის შესახებ, არსებობის შემთხვევაში − კომერციული გარანტიის თაობაზე, აგრეთვე მომხმარებლისთვის შემდგომი მომსახურების გაწევის პირობების შესახებ; 

ზ) არსებობის შემთხვევაში − ხელშეკრულების მოქმედების ვადის შესახებ, ხოლო თუ ხელშეკრულება განუსაზღვრელი ვადით არის დადებული ან ავტომატურად გრძელდება − ხელშეკრულებაზე უარის თქმის პირობების თაობაზე; 

თ) თქვენი ვალდებულებებისა და მათი შესრულების მინიმალური ვადის/მოქმედების ხანგრძლივობის შესახებ; 

ი) ციფრული შინაარსის ფუნქციური მახასიათებლების შესახებ, მათ შორის, არსებობის შემთხვევაში − მისი დაცვისთვის გამოყენებული ტექნიკური საშუალებების თაობაზე, აგრეთვე არსებობის შემთხვევაში − ციფრული შინაარსის აპარატულ ან პროგრამულ უზრუნველყოფასთან თავსებადობის შესახებ ნებისმიერი ინფორმაცია, რომელიც კომპანია ,,სუპერმა” იცის ან უნდა სცოდნოდა; 

კ) ხელშეკრულებაზე უარის თქმის პირობების შესახებ. 

2) ა) უფლება გაქვთ მიიღოთ შეძენილი საქონელი   დაყოვნების გარეშე.

 ბ) მოითხოვოთ შეძენილი საქონლის ტრანსპორტირება თქვენს მიერ მითითებულ მისამართზე წინასწარ  შეთანხმებულ ვადაში (ონლაინ გასყიდვისას, ანდა იმ შემთხვევაში, თუ კომპანია ,,სუპერი” იღებს ნივთის ტრანსპორტირების ვალდებულებას).         

გ) ტრანსპორტირებისთვის შეთანხმებული  ვადის გასვლის შემდეგ კომპანია ,,სუპერის” მხრიდან ტრანსპორტირების განუხორციელებლობის შემთხვევაში უფლება გაქვთ, უარი თქვათ  ხელშეკრულებაზე და მოითხოვოთ   გადახდილი თანხის უკან დაბრუნება. 

დ) მიიღოთ წინასწარ ინფორმაცია შესაძენი საქონლის  ხელმისაწვდომის შესახებ.   

ე)  მოითხოვოთ და წინასწარ მიიღოთ ინფორმაცია თქვენს მიერ გასაწევი როგორც ძირითადი, ასევე დამატებითი ხარჯების თაობაზე (ასეთის არსებობის შემთხვევაში).

ვ) მიიღოთ კომპანია ,,სუპერი” საკონტაქტო ტელეფონის ნომერი და  დაამყაროს სატელეფონო კომუნიკაცია ასეთი  კომუნიკაციისთვის  დამატებითი ფასის გარეშე.

2. მომხმარებლისთვის ინფორმაციის მიწოდების ვალდებულება 

1. დისტანციური (ონლაინ) ხელშეკრულების ან კომპანია ,,სუპერის” სავაჭრო ობიექტებს  გარეთ დადებული ხელშეკრულების შემთხვევაში (ასეთის არსებობის შემთხვევაში) უფლება გაქვთ   ხელშეკრულების დადებამდე    დამატებით, მკაფიოდ და გასაგებად მიიღოთ შემდეგი ინფორმაცია: 

ა) კომპანია ,,სუპერის” ფაქტობრივი მისამართის შესახებ, თუ ის განსხვავდება იურიდიული მისამართისგან, აგრეთვე იმ მოვაჭრის ფაქტობრივი მისამართისა და ვინაობის თაობაზე, რომლის სახელითაც მოქმედებს კომპანია ,,სუპერი” (ასეთი ფაქტის არსებობის შემთხვევაში); 

ბ) საქონლის ან მომსახურების ფასის შესახებ, გადასახადების ჩათვლით, ხოლო თუ აღნიშნული ფასის წინასწარ გამოთვლა შეუძლებელია − მისი გამოთვლის წესის თაობაზე; არსებობის შემთხვევაში − ყველა დამატებითი ხარჯის შესახებ, მიწოდების, გადაზიდვისა და საფოსტო ხარჯების ჩათვლით, ხოლო თუ ასეთი ხარჯების წინასწარ გაანგარიშება შეუძლებელია − ინფორმაცია იმის თაობაზე, რომ შეიძლება დამატებითი ხარჯები იყოს გასაწევი. განუსაზღვრელი ვადით დადებული ხელშეკრულების ან საქონლის ან მომსახურების გამოწერით მიღების ხელშეკრულების შემთხვევაში ფასი გულისხმობს სრულ ფასს გადახდის თითოეული პერიოდისთვის. თუ ხელშეკრულებით გათვალისწინებულია ფიქსირებული გადასახადი, სრული ფასი უნდა აღნიშნავდეს ყოველთვიურ სრულ გადასახადს. თუ სრული გადასახადის წინასწარ გამოთვლა შეუძლებელია, მიწოდებული უნდა იქნეს მისი გამოთვლის წესი; 

გ) ხელშეკრულების დადების დროს დისტანციური კომუნიკაციის საშუალების გამოყენების ხარჯის შესახებ, თუ ეს ხარჯი ძირითად ფასში არ შედის; 

დ) ხელშეკრულებაზე უარის თქმის პირობების, ვადისა და წესის შესახებ, თუ ხელშეკრულებაზე უარის თქმა შესაძლებელია, აგრეთვე ხელშეკრულებაზე უარის თქმის შემთხვევაში შესავსები ფორმა; 

ე) ინფორმაცია იმის შესახებ,  თუ რა შემთხვევაში აღარ შეგიძლიათ ხელშეკრულებაზე უარის თქმა.

ვ) ინფორმაცია იმის შესახებ, რომ დისტანციურ ხელშეკრულებაზე უარის თქმის შემთხვევაში თქვენს მიერ რა ხარჯი იქნება გასაწევი   შეძენილი ნივთის დასაბრუნებლად, თუ  საქონლის ბუნებიდან გამომდინარე, მისი ფოსტით დაბრუნება შეუძლებელია; 

ზ) ქცევის კოდექსის არსებობისა და ხელმისაწვდომობის შესახებ; 

თ) ნივთის დასაბრუნებლად საჭირო დოკუმენტაციის შესახებ.

2) უფლება გაქვთ (კომპანია ,,სუპერი” ვალდებულია)   ამ მუხლით  განსაზღვრული ინფორმაცია (დისტანციური ხელშეკრულების ანუ ნივთის ონლაინ შეძენის  შემთხვევაში) კომპანია ,,სუპერისგან”  მიიღოთ   დისტანციური კომუნიკაციის საშუალების გამოყენებით, მკაფიოდ და გასაგებად.   

 

3. დისტანციურ ხელშეკრულებაზე ან/და კომპანია ,,სუპერის” სავაჭრო ობიექტების  გარეთ დადებულ ხელშეკრულებაზე უარის თქმის უფლება 

1. ,,მომხმარებელთა უფლებების დაცვის” შესახებ საქართველოს კანონის შესაბამისად,  უფლება გაქვთ, ყოველგვარი საფუძვლის მითითების გარეშე უარი თქვათ   დისტანციურ ხელშეკრულებაზე ან/და  კომპანია ,,სუპერის” სავაჭრო ობიექტების გარეთ დადებულ ხელშეკრულებაზე 14 კალენდარული დღის განმავლობაში. ეს ვადა აითვლება: 

ა) მომსახურების ხელშეკრულების შემთხვევაში − ხელშეკრულების დადებიდან (ასეთის არსებობის შემთხვევაში); 

ბ) ნასყიდობის ხელშეკრულების შემთხვევაში − თქვენს  ან თქვენს  მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან; 

გ) მომხმარებლის მიერ საქონლის ნაწილ-ნაწილ შეკვეთის შემთხვევაში − თქვენს ან თქვენს მიერ განსაზღვრული მესამე პირის მიერ (გარდა გადამზიდავისა) ბოლო ნივთის მფლობელობაში მიღებიდან; 

დ) საქონლის რეგულარულად (განსაზღვრული პერიოდულობით) მიწოდების ხელშეკრულების შემთხვევაში − თქვენს ან თქვენს  მიერ განსაზღვრული მესამე პირის მიერ (გარდა გადამზიდავისა) ნივთის მფლობელობაში პირველად მიღებიდან. 

2. თქვენს  მიერ ხელშეკრულებაზე უარის თქმის შემთხვევაში   არ დაეკისრებათ არანაირი ხარჯის (მათ შორის, მიწოდების ხარჯის) გაწევა, გარდა იმ შემთხვევისა, როდესაც თქვენ აირჩიეთ  კომპანია ,,სუპერის” მიერ შეთავაზებული სტანდარტული მიწოდების მომსახურებაზე უფრო ძვირი მიწოდების მომსახურება   ან საქონლის ფასი შემცირდა ისეთი სარგებლობის შედეგად, რომელიც დაკავშირებული არ არის საქონლის ბუნების, მახასიათებლებისა და ფუნქციონირების დადგენასთან.   

3. თქვენს მიერ დისტანციურ ხელშეკრულებაზე უარის თქმა ავტომატურად იწვევს დაკავშირებული ხელშეკრულებიდან თქვენს გასვლას და პირვანდელი მდგომარეობის აღდგენას. 

4. თქვენს მიერ დისტანციურ ხელშეკრულებაზე უარის თქმის შემთხვევაში   ვალდებული ხართ   14 დღის  ვადაში გაუგზავნოთ შევსებული ფორმა ან სხვა ცალსახა მტკიცებულება, რომელიც ასახავს თქვენს  გადაწყვეტილებას საქონლის დაბრუნების შესახებ.   ხელშეკრულებაზე უარის თქმის უფლების დადგენილ ვადაში განხორციელების მტკიცების ტვირთი თქვენ  გეკისრებათ. 

5.  ხელშეკრულების მოშლის შესახებ ინფორმაციის მიწოდების  ფორმის შევსებისას ხელშეკრულებაზე უარის თქმისთვის კომპანია ,,სუპერს” უნდა მიაწოდოთ   შემდეგი ინფორმაცია: 

ა) კომპანია ,,სუპერის” მიერ მითითებული სახელი, ფაქტობრივი მისამართი, ფაქსის ნომერი, ელექტრონული ფოსტის მისამართი; 

ბ) შეკვეთის თარიღი; 

გ) შეკვეთის მიღების თარიღი; 

დ) მომხმარებლის სახელი; 

ე) მომხმარებლის მისამართი; 

ვ) მომხმარებლის ხელმოწერა (თუ ფორმა ქაღალდზეა შევსებული); 

ზ) ფორმის შევსების თარიღი. 

6. კომპანია ,,სუპერს”  უფლება აქვს, ამ მუხლის მე-4 პუნქტით გათვალისწინებული ფორმა ელექტრონულად ჩაიბაროს. აღნიშნული ფორმის ჩაბარების შესახებ ინფორმაცია მოგეწოდებათ    დაუყოვნებლივ.

4. ყოველგვარი საფუძვლის მითითების გარეშე ხელშეკრულებაზე უარის თქმასთან დაკავშირებული გამონაკლისები  

1. თქვენ უფლება  არ  გაქვთ  უარი თქვათ ხელშეკრულებაზე, თუ: 

ა) კომპანია ,,სუპერმა” ხელშეკრულებით გათვალისწინებული მომსახურება სრულად გასწია, მან მომსახურების გაწევა თქვენი წინასწარი თანხმობით დაიწყო და კომპანია ,,სუპერმა” გაგაფრთხილად, რომ    რომ მომსახურების სრულად მიღების შემთხვევაში დაკარგავდით ხელშეკრულებაზე უარის თქმის უფლებას; 

ბ) ხელშეკრულებით გათვალისწინებულია, რომ მიწოდებული საქონლის ან მომსახურების ფასი დამოკიდებულია ფინანსურ ბაზარზე არსებულ ცვლილებაზე, რომელსაც კომპანია ,,სუპერი” ვერ აკონტროლებს და რომელიც ხელშეკრულებაზე უარის თქმის უფლების განხორციელებისთვის ამ კანონით დადგენილ ვადაში წარმოიშვა; 

გ) მიწოდებული საქონელი ან მომსახურება უშუალოდ თქვენი ინდივიდუალური შეკვეთით არის დამზადებული ან/და აშკარად თქვენს პირად საჭიროებებზეა მორგებული; 

დ) მიწოდებული საქონელი მალფუჭებადია ან მას მოკლე ვარგისობის ვადა აქვს; 

ე) თქვენ   მოგეწოდათ ჰერმეტულად დაცული საქონელი, მისი ჰერმეტულობა მიწოდების შემდეგ დაირღვა და, ამდენად, საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო; 

ვ) მიწოდებული საქონელი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს; 

ზ) მიწოდებულ იქნა დალუქული აუდიო- ან ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა; 

თ) მიწოდებულ იქნა ჟურნალ-გაზეთები ან სხვა სახის პერიოდული გამოცემა, გარდა იმ შემთხვევისა, როდესაც მათი/მისი მიწოდების საფუძველი სააბონენტო ხელშეკრულებაა; 

ი) ხელშეკრულება საჯარო აუქციონის შედეგად დაიდო; 

კ) ხელშეკრულება დაიდო უძრავი ქონების არასაცხოვრებელი მიზნით გადაცემაზე, საქონლის გადაზიდვაზე, სატრანსპორტო საშუალების ქირავნობაზე, კვების ორგანიზებაზე ან დასვენებასთან დაკავშირებულ მომსახურებაზე და მასში მითითებულია ხელშეკრულების შესრულების განსაზღვრული თარიღი ან პერიოდი; 

ლ) თქვენ ციფრული შინაარსი მოგეწოდათ არამყარი მატარებლით, ხელშეკრულების შესრულება თქვენი  წინასწარი თანხმობით დაიწყო და  გაფრთხილებული იყავით, რომ ამით დაკარგავდით ხელშეკრულებაზე უარის თქმის უფლებას; 

 

5. ხელშეკრულებაზე უარის თქმის შედეგები 

1. ხელშეკრულებაზე უარის თქმის შედეგად ქარწყლდება მხარეების მიერ დისტანციური ხელშეკრულებით ან სავაჭრო ობიექტებს გარეთ დადებული ხელშეკრულებით ნაკისრი ვალდებულებები, ხოლო ის, რაც მხარეებმა მისი შესრულებით მიიღეს, მათ უბრუნდებათ. 

2. ხელშეკრულებაზე უარის თქმის შემთხვევაში კომპანია ,,სუპერი” ვალდებულია: 

ა) თქვენს მიერ  გადახდილი თანხა, აგრეთვე არსებობის შემთხვევაში − მიწოდების ხარჯის ასანაზღაურებლად გადახდილი თანხა დაგიბრუნოთ სრულად, გაჭიანურების გარეშე, ხელშეკრულებაზე უარის თქმის შესახებ შეტყობინების მიღებიდან არაუგვიანეს 14 კალენდარული დღისა. კომპანია  ,,სუპერი”  ვალდებული არ არის, მომხმარებელს დაგიბრუნოთ იმ დამატებითი ხარჯის ასანაზღაურებლად გადახდილი თანხა, რომელიც დაკავშირებულია თქვენს მიერ არასტანდარტული ან კომპანია ,,სუპერის” მიერ შემოთავაზებული მიწოდების მომსახურებაზე უფრო ძვირი მიწოდების მომსახურების არჩევასთან; 

ბ) თანხა აანაზღაუროს გადახდის იმავე საშუალებებით, რომლებიც თქვენ გამოიყენეთ, გარდა იმ შემთხვევისა, როდესაც თქვენ გადახდის სხვა საშუალების გამოყენებაზე თანხმობას განაცხადებთ და ამის გამო დამატებითი ხარჯი არ წარმოგეშობათ. 

3. ნასყიდობის ხელშეკრულებაზე უარის თქმის შემთხვევაში კომპანია ,,სუპერს” უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან თქვენგან არ მიიღებს საქონლის გამოგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება, გარდა იმ შემთხვევისა, როდესაც კომპანია ,,სუპერი”  თავად კისრულობს  საქონლის უკან წამოღებას. 

4. ხელშეკრულებაზე უარის თქმის შემთხვევაში თქვენ ვალდებული ხართ: 

ა) კომპანია ,,სუპერს” ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა, გარდა იმ შემთხვევისა, როდესაც  კომპანია ,,სუპერი”  თავად კისრულობს  საქონლის უკან წამოღებას. 

ბ) გასწიოთ მხოლოდ საქონლის დაბრუნებასთან დაკავშირებული პირდაპირი (უშუალო) ხარჯი, გარდა იმ შემთხვევისა, როდესაც  კომპანია ,,სუპერმა” თავად იკისრა ამ ხარჯის გაწევა.     

გ) კომპანია ,,სუპერის” სავაჭრო ობიექტებს  გარეთ დადებული ხელშეკრულების შემთხვევაში (ასეთის არსებობის შემთხვევაში), როდესაც საქონელი მომხმარებელს სახლში მიეწოდება, მოვაჭრე ვალდებულია საქონელი საკუთარი ხარჯით წაიღოს უკან, თუ, საქონლის ბუნებიდან გამომდინარე, მისი ფოსტით გაგზავნა შეუძლებელია. 

 

6.  შეძენილი საქონლის მახასიათებლები და ხარისხი

1. მოვაჭრე ვალდებულია მომხმარებელს გადასცეს ხელშეკრულებით გათვალისწინებული პირობების შესაბამისი საქონელი. 

2. საქონელი ხელშეკრულებით გათვალისწინებული პირობების შესაბამის საქონლად მიიჩნევა, თუ იგი შეესაბამება კომპანია ,,სუპერის” მიერ თქვენთვის  მიწოდებულ აღწერას და მას აქვს იგივე თვისებები, რომლებიც  კომპანია ,,სუპერის” მიერ თქვენთვის  წარდგენილ საქონლის ნიმუშს ჰქონდა ან/და იგი გამოსადეგია იმ მიზნისთვის, რომლის თაობაზედაც თქვენ კომპანია  ,,სუპერს”    ხელშეკრულების დადების დროს აცნობეთ და  კომპანია ,,სუპერისაგან” თანხმობა მიიღეთ.    

3. თუ თქვენ კომპანია ,,სუპერს” არ აცნობებთ იმ მიზნის თაობაზე, რომლისთვისაც გსურთ კონკრეტული  საქონლის (ნივთის) გამოყენება, საქონელი (ნივთი) ხელშეკრულებით გათვალისწინებული პირობების შესაბამის საქონლად მიიჩნევა, თუ იგი ვარგისია იმ მიზნით სარგებლობისთვის, რომლისთვისაც, ჩვეულებრივ, გამოიყენება. 

5. თუ საქონლის ჩვეულებრივი გამოყენების მიზანი ვერ დგინდება, საქონელი ხელშეკრულებით გათვალისწინებული პირობების შესაბამის საქონლად მიიჩნევა, თუ მას აქვს ამ სახეობის საქონლის თვისებები და ფუნქციონირებს ისე, როგორც აღნიშნული სახეობის საქონელი, ამასთანავე, რისი გონივრული მოლოდინიც  ჩვეულებრივ მომხმარებელს შეიძლებოდა ჰქონოდა საქონლის ბუნებიდან და იმ საჯარო განცხადებებიდან გამომდინარე, რომლებიც გააკეთა კომპანია ,,სუპერმა”, მწარმოებელმა, მისმა წარმომადგენელმა ან ბაზარზე განთავსებისთვის პასუხისმგებელმა სხვა პირმა, მათ შორის, რეკლამის ან/და ეტიკეტის საშუალებით. 

6. კომპანია ,,სუპერის”  მიერ ან მისი პასუხისმგებლობით საქონლის არასწორად დამონტაჟების შედეგად წარმოქმნილი ნაკლი უთანაბრდება საქონლის ხელშეკრულებით გათვალისწინებულ პირობებთან შეუსაბამობას (ნაკლს), თუ საქონლის მონტაჟი ხელშეკრულების ნაწილი იყო (ასეთი ხელშეკრულების არსებობის შემთხვევაში).  ეს წესი ვრცელდება აგრეთვე იმ საქონელზე, რომელიც მყიდველმა უნდა ააწყოს ან დაამონტაჟოს და რომელიც საქონლისთვის დართული ინსტრუქციის ნაკლოვანების გამო არასწორად აიწყო ან დამონტაჟდა. 

7. ამ მუხლის მიზნებისთვის საქონელი ნაკლის მქონე საქონლად არ მიიჩნევა, თუ ხელშეკრულების დადების მომენტში თქვენთვის ცნობილი იყო    ან უნდა გცოდნოდათ, რომ საქონელს ნაკლი ჰქონდა, ან საქონლის ნაკლი თქვენს მიერ მიწოდებული მასალით არის განპირობებული. 

7.  თქვენი უფლებები ნაკლის აღმოჩენის შემთხვევაში: 

1. თუ საქონელი ნაკლის მქონე აღმოჩნდა,   უფლება გაქვთ, კომპანია  ,,სუპერს” მოსთხოვოთ ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გახვიდედ ხელშეკრულებიდან. 

2. თქვენ  უფლება გაქვთ, კომპანია ,,სუპერს” მოსთხოვოთ საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს. 

3. საქონელი შეკეთებული ან შეცვლილი უნდა იქნეს გონივრულ ვადაში, ისე, რომ  თავიდან იქნეს აცილებული  მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც   ეს საქონელი იქნა შეძენილი.  

4. თქვენ უფლება გაქვთ, მოითხოვოთ საქონლის ფასის შემცირება ან უარი თქვათ ხელშეკრულებაზე, თუ არსებობს ერთ-ერთი შემდეგი პირობა: 

ა) შეძენილი საქონლის შეკეთება ან შეცვლა შეუძლებელია; 

ბ)  კომპანია ,,სუპერმა”  საქონელი გონივრულ ვადაში არ შეაკეთა ან არ შეცვალა.    

გ)  აშკარაა, რომ   საქონლის შეკეთება ან შეცვლა   მნიშვნელოვან შეფერხებას შეგიქმნით.  

5.  თქვენ უფლება არ გაქვთ, უარი თქვას ხელშეკრულებაზე, თუ საქონლის ნაკლი უმნიშვნელოა. 

8.  კომერციული გარანტია 

1. კომპანია ,,სუპერი” ვალდებულია დაიცვას თავის მიერ გაცემული კომერციული გარანტია, მათ შორის, შესაბამისი საქონლის ან მომსახურების რეკლამაში მოცემული პირობები. 

2. კომერციული გარანტია უნდა მოიცავდეს: 

ა) ინფორმაციას იმის შესახებ, რომ კომერციული გარანტია არ ზღუდავს მომხმარებლის ამ კანონით დადგენილ უფლებებს; 

ბ) მკაფიოდ ჩამოყალიბებულ საგარანტიო პირობებს, მათ შორის, კომერციული გარანტიის ხანგრძლივობასა და მოქმედების ტერიტორიას და მისი გასაჩივრებისთვის საჭირო ინფორმაციას, კერძოდ, მოთხოვნის ხანდაზმულობის ვადას, მოვაჭრის სახელსა და მისამართს. 

3. თქვენი  მოთხოვნის შემთხვევაში კომერციული გარანტია   წერილობით ან თქვენთვის  მისაღები სხვა ფორმით უნდა მოგეწოდოთ.   

4. კომერციული გარანტიის პირობა, რომელიც ზღუდავს მომხმარებლის კანონით დადგენილ უფლებებს, ბათილია. 

პარაგრაფი N9. მტკიცების ტვირთი და ვადები ხელშეკრულებასთან შეუსაბამობისას 

1. თქვენ უფლება გაქვთ, ისარგებლოთ  წინამდებარე შეთანხმების  მე-7 და     მე-8   პარაგრაფებით (,,მომხმარებელთა უფლებების დაცვის” შესახებ საქართველოს  კანონის მე-17−მე-19 მუხლებით)  გათვალისწინებული უფლებებით,  თუ საქონლის ნაკლი   აღმოაჩინეთ ნივთის თქვენთვის  გადმოცემიდან 2 წლის განმავლობაში.   

2. თუ თქვენ  საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინეთ, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი კომპანია ,,სუპერს” ეკისრება. თუ თქვენ საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინეთ, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება. 

 3. ამ პარაგრაფის პირველი  პუნქტის მოქმედება არ ვრცელდება მეორეული საქონლის ნასყიდობაზე. ასეთი საქონლის ნასყიდობისას ამ მუხლის მე-2 პუნქტით განსაზღვრულ შემთხვევაში მოვაჭრის პასუხისმგებლობა მხარეთა შორის ინდივიდუალური შეთანხმების საგანია.

4. ამ პარაგრაფის მიზნებისთვის თქვენ ვალდებული ხართ წარმოადგინოთ  შეძენის დამადასტურებელი ჩეკი (ან სხვა რაიმე შესაძლო დოკუმენტი), რომლითაც დადასტურდება, რომ ნივთი ნამდვილად კომპანია ,,სუპერის” ობიექტებში შეიძინეთ.