პროდუქტის აღწერილობა

თუ გიყვართ კულინარია, თქვენ გჭირდებათ სათანადო ხარისხის მოსამზადებელი ჭურჭელი. სწორად ამისთვის შეიქმნა Zwilling Pure -ის კოლექცია, რომელიც უმაღლესი ხარისხისა და მომხიბვლელი დიზაინის კომბინაციაა – შთაბეჭდილებას ახდენს თავისი ელეგანტური, მარადიული დიზაინითა და შესანიშნავი ხარისხით.

დამზადებულია 18/10 ხარისხის უჟანგავი ფოლადისგან, რაც სამზარეულოს ჭურჭელს უკიდურესად მყარს, ნაკაწრების მიმართ მდგრადს ხდის. წარმოდგენილია კერამიკის გარე საფარით. ალუმინის ბირთვიანი სამშრიანი ბაზა უზრუნველყოფს სიმხურვალის თანაბარ გადანაწილებას და სითბოს ხანგრძლივ შენარჩუნებას. სახელურები კი წარმოდგენილია სილიკონის ნაწილებით, შესაბამისად, არ ცხელდება და კომფორტული დასაჭერია.
გამოიყენება ყველა სახის ქურაზე, მათ შორის ინდუქციურზეც და ასევე ღუმელში.

მახასიათებლები:

• დამზადებულია 18/10 ხარისხის უჟანგავი ფოლადისგან
  
• წარმოდგენილია კერამიკის გარე საფარით
  
• უკიდურესად მყარია და მდგრადია ნაკაწრების, დაზიანებების მიმართ
  
• აქვს სამშრიანი ბაზა ალუმინის ბირთვით და ენერგოეფექტურია – სიმხურვალე თანაბრად ნაწილდება და სითბო დიდი ხნით
• ნარჩუნდება
  
• აქვს სილიკონის ნაწილიანი ერგონომიული სახელურები – არ ცხელდება და კომფორტული დასაჭერია
  
• გამოიყენება ყველა ტიპის ქურაზე, მათ შორის ინდუქციურზე
  
• გამოიყენება ღუმელში მაქსიმუმ 180° C ტემპერატურაზე (თავსახურის გარეშე)
  
• გამოიყენება ჭურჭლის სარეცხ მანქანაში
  
• იდეალურია მრავალი წლის მანძილზე გამოსაყენებლად

დეტალები:
მასალა: უჟანგავი ფოლადი, მინა
ფერი: მწვანე
ქვაბების რაოდენობა: 5
თავსახურების რაოდენობა: 4
ფორმა: მრგვალი

გამოყენების წესი:
პირველ ჯერზე გამოყენებამდე, გარეცხეთ თბილი წყლის, ჭურჭლის სარეცხი საშუალების და ღრუბლის/რბილი ქსოვილის გამოყენებით. შემდეგ გულდასმით გაამშრალეთ, რათა არ დარჩეს წყლის წვეთების ლაქები.

ქურაზე დადგით მხოლოდ კარგად გამშრალებული ქვაბი, რათა თავიდან აირიდოთ დამწვარი ზეთი/წყალი. არასოდეს გაახუროთ ჭურჭელი ცარიელ მდგომარეობაში და თქვენი მეთვალყურეობის გარეშე – გადახურებამ შესაძლოა გამოიწვიოს ფერის შეცვლა (უბრალოდ ფერის შეცვლა გავლენას არ ახდენს ჭურჭლის ვარგისიანობაზე), ხოლო უკიდურესმა გადახურებამ შესაძლოა სამუდამოდ დააზიანოს ქვაბის ძირი! კერძი ყოველთვის მოამზადეთ ისე, რომ ცეცხლი არ სცდებოდეს ქვაბის დიამეტრს. სითბოს დაკარგვის მინიმიზაციის მიზნით, რეკომენდებულია კერძის თავდახურულ მდგომარეობაში მომზადება. ჭურჭელს აქვს შესანიშნავი თბოგამტარობა, ამიტომ სასურველია კერძის საშუალო ცეცხლზე მომზადება. გადადუღების ან კერძის დაწვის თავიდან აცილების მიზნით, რეკომენდებულია ქვაბი შეავსოთ 70-80%-ით. მარილი დაუმატეთ მხოლოდ ადუღების შემდეგ. ცივ წყალში მარილის დამატებამ შესაძლოა გამოიწვიოს ჭურჭლის ფერის შეცვლა. დაუშვებელია ქვაბის გამოყენება ცხიმის გარეშე!

კერძის მომზადების შემდეგ დაელოდეთ, რომ ქვაბიც და თავსახური ბოლომდე გაგრილდეს. დაუშვებელია ცხელი ჭურჭლის გარეცხვა! ტემპერატურის ცვლილებამ შესაძლოა დააზიანოს ჭურჭელი, განსაკუთრებით თავსახური. ჭურჭლის სარეცხ მანქანაში გარეცხვამდე, მოაცილეთ საკვები ნარჩენები თბილი წყლის, ჭურჭლის სარეცხი საშუალების და ღრუბლის მეშვეობით. და მხოლოდ ამის შემდეგ მოათავსეთ ქვაბი ჭურჭლის სარეცხ მანქანაში. არ გამოიყენოთ აგრესიული საწენდი საშუალებები. ნუ დაუშვებთ ჭურჭელში დარჩენილი საკვების გამოშრობას, რათა თავიდან იქნას აცილებული უჟანგავი ფოლადის დალაქავება ან ფერის შეცვლა.

პროდუქტი მოიცავს:
1 x ქვაბი თავსახურით 24 სმ/ 6 ლ
1 x ქვაბი თავსახურით 20 სმ/4 ლ
1 x ქვაბი თავსახურით 20 სმ/3 ლ
1 x ქვაბი თავსახურით 16 სმ/2 ლ
1 x სარძევე 16 სმ/1.5 ლ

ბრენდის შესახებ

Zwilling-ი – ერთ-ერთი უძველესი ბრენდი მსოფლიოში, 1731 წელს დაარსდა გერმანიაში. საქმიანობა დაიწყო უმაღლესი ხარისხის დანების წარმოებით, მალევე გაფართოვდა და გახდა სპეციალისტი საერთაშორისო კულინარიულ კულტურაში. Zwilling-ის სხვადასხვა სახის ჭურჭელი დღეს უკვე მსოფლიოს 100-ზე მეტი ქვეყანის ყველა მნიშვნელოვან მაღაზიაშია წარმოდგენილი.

როდესაც პროდუქციის წარმოებას ეხება საქმე, Zwilling-ი პერფექციონისტია – გამძლე და ხარისხიანი პროდუქტის შესაქმნელად იყენებს მხოლოდ უმაღლესი ხარისხის მასალას და თანამედროვე ტექნოლოგიებს. გარდა ამისა, პრემიუმ ხარისხის ყველა პროდუქტის წარმოების სრულ პროცესს კომპანია უწყვეტ რეჟიმში აკვირდება.

Zwilling-ი ფლობს ქარხნებს მსოფლიოს სხვადასხვა ქვეყანაში: გერმანიაში, საფრანგეთში, იტალიაში, იაპონიაში, ბელგიასა და ინდოეთში.

შეფასებები (0)