პროდუქტის აღწერილობა

Plus-Plus Inspired კოლექცია – ეს არის პატივისცემის გამოხატულება ყველასათვის ცნობილი კულტურული ნაშრომების მიმართ, უნიკალური ფერის პალიტრების საშუალებით. თითოეული ნაკრები შთაგონებულია ხელოვნების ნიმუშებით, არქიტექტურული დიზაინებით ან ღირსშესანიშნაობებით. კოლექცია დამყარებულია სრულიად თავისუფალ კრეატიულობაზე და თანაბრად შესანიშნავია როგორც ბავშვებისთვის, ისე მოზრდილებისთვის.
დააკვირდით, აღფრთოვანდით და შექმენით Plus-Plus Inspired® კოლექციით. სამხატვრო ხელოვნების ნიმუშები საუკუნეების განმავლობაში აღაფრთოვანებდა მნახველებს მთელს მსოფლიოში. ახლა კი ნახატი შთაგაგონებთ თქვენ და დაგეხმარებათ შექმნათ სრულიად უნიკალური და ინდივიდუალური კონსტრუქცია. Plus-Plus Inspired კოლექციას ერთადერთი ინსტრუქცია აქვს – გამოიყენეთ თქვენი ფანტაზია. გადაეშვით შემოქმედებით თავგადასავალში ამ მარადიული შედევრებით და აღმოაჩინეთ ახალი შესაძლებლობები.
ნაკრებს მოჰყვება საინტერესო ბროშურა ნამუშევრის, მხატვრისა და იდეების შესახებ, რომლებიც დაგეხმარებათ შთაგონებასა და თქვენი საკუთარი შემოქმედების შექმნაში.

ცნობილი როგორც აბსტრაქტული ხელოვნების მამა, პიტ მონდრიანი მე-20 საუკუნის ერთ-ერთი ყველაზე გავლენიანი მხატვარია. მან შექმნა ხელოვნების ახალი სტილი, რომელიც, გარდა იმისა, რომ დღესაც კი პოპულარულია, ასევე შთააგონებს მოდის, მუსიკის, გრაფიკისა და არქიტექტურის სფეროში მოღვაწეებს. მისი ორიგინალური ნახატები გამოფენილია წამყვან გალერეებში მთელს ევროპასა და აშშ-ში.

როგორ გახდა ის ასეთი გავლენიანი?
თავისი კარიერის დასაწყისში იგი უფრო დაკავშირებული იყო ფერწერის იმპრესიონისტულ ტექნიკასთან, როგორც ჩანს მის ჰოლანდიის პეიზაჟებში. მაგრამ ის ღრმა მოაზროვნე იყო და ფლობდა სულიერ ცოდნას. 1917 წელს მან ჩამოაყალიბა მხატვრობის სტილი – ნეოპლასტიზმი, რომელიც ცდილობდა გამოსახულებების დახვეწას მათი სუფთა ფორმებით და კომპოზიციის დაბალანსებით. რასაც ზოგიერთი ადამიანი უბრალოდ უბრალო ნახატებს თვლის, მონდრიანმა ღრმა გაგების გამოხატულებად მიიჩნია.
“ყველა ჭეშმარიტი მხატვარი უფრო შთაგონებულია ხაზების, ფერების სილამაზით და მათ შორის ურთიერთობით, ვიდრე სურათის კონკრეტული თემით.”
– პიტ მონდრიანი

კომპოზიცია A – ზეთი, ტილო, 1923 წ, 89.9×90.9 სმ
თანამედროვე ხელოვნების ეროვნული გალერეა (რომი, იტალია)
პიტ მონდრიანი – 1872-1944 წწ, ნიდერლანდები-აშშ.

მახასიათებლები:

• ნაკრები შთაგონებულია ცნობილი სამხატვრო ნამუშევრით
  
• ნაკრებში შედის 350 კუბიკი, ბროშურა
  
• შესანიშნავია ბავშვებში კრეატიულობისა და წარმოსახვის გასაღვივებლად
  
• განკუთვნილია ბავშვებისთვის 7 წლიდან
  
• სათამაშოს დიზაინი შექმნილია დანიაში
  
• სათამაშო დამზადებულია დანიაში
  
• დამზადებულია მაღალი ხარისხის პლასტმასისგან
  
• არ შეიცავს BPA-ს და ფტალატის მჟავას
  
• არ არის რეკომენდებული სამ წლამდე ასაკის ბავშვებისთვის!
  

დეტალები:
მასალა: პლასტმასი
ასაკი: 7+
შეფუთვის ზომები: 27×5.5 სმ
ერთეულთა რაოდენობა: 350

პროდუქტი მოიცავს:
350 x კუბიკი
ბროშურა

ბრენდის შესახებ

Plus-Plus-ი დაარსდა დანიაში ერთი უმთავრესი იდეით: ყველა ასაკის ბავშვისთვის შეექმნა მარტივი სათამაშოები, რომლებიც მათ ფანტაზიასა და შემოქმედებით უნარებს გააღვივებდა.

Plus-Plus აწარმოებს ფერადი პლასტმასის 6-გვერდიან ნაწილებს, რომლებიც ერთმანეთს ერწყმის და გამოიყენება როგორც ფაზლების, ისე 2D/3D მოზაიკისა შესაქმნელად.

ბრენდი აერთიანებს მეცნიერების, ტექნიკის, მათემატიკის და ინჟინერიის ელემენტებს (STEM). ასტიმულირებს წვრილ მოტორულ უნარებს, ლოგიკას, კრეატიულობასა და წარმოსახვას.

კომპანია მაღალი სოციალური და ეკოლოგიური პასუხისმგებლობით ხასიათდება. კომპანიის მწარმოებელი ქარხანა და სათავო ოფისი მუშაობს 100 % ქარის ენერგიაზე. ყველა პროდუქტი და მათი შეფუთვა კი 100% გადამუშავებადია.

შეფასებები (0)