Bodum-ის Pour Over ყავის აპარატი ნოყიერი და ინტენსიური ყავის მომზადებაში დაგეხმარებათ. მისი დახვეწილი დიზაინი ნებისმიერ სამზარეულოს დაამშვენებს, თქვენს გულს კი მასში დაყენებული ყავის რბილი, ბლანტი ტექსტურა და მძაფრი არომატები მოიგებს.

ელეგანტური ფორმის რეზერვუარი დამზადებულია უმაღლესი ხარისხის ბოროსილიკატის მინისგან, რომელიც არ იტოვებს სუნსა და არომატს. მოჰყვება მრავალჯერადი გამოყენების უჟანგავი ფოლადის ფილტრი, რაც ყავის მომზადების პროცესს სრულად ეკო-მეგობრულს ხდის.

დაყენების მეთოდით მომზადება დღის უფრო გააზრებულ და მშვიდ დასაწყისს ნიშნავს. შეგიძლიათ სრულად გააკონტროლოთ მომზადების პროცესი. სულ რაღაც ოთხი წუთი, ცხელი წყალი, დაფქვილი ყავა და ცოტაოდენი მაგია — ყველაფერი, რაც იდეალური სასმლისთვის გჭირდებათ. ეს არის სრულყოფილებასთან მიახლოებული ყავის მომზადების ხელოვნება.

ვიდეო:

მახასიათებლები:

• ინოვაციური აპარატი, რომელიც საშუალებას გაძლევთ, სახლის პირობებში ბარისტას დონის ყავა მოამზადოთ
  
• დამზადებულია პრემიუმ ხარისხის არაფოროვანი ბოროსილიკატის მინისგან, რომელიც არ იწოვს გემოსა თუ არომატს
  
• მრავალჯერადი უჟანგავი ფოლადის ფილტრი უზრუნველყოფს მდიდარ გემოსა და ძლიერ არომატს.
  
• მარტივი გამოსაყენებელია
  
• შესაძლებელია ჭურჭლის სარეცხ მანქანაში გამოყენება
  

ინსტრუქციაზე გადასვლა:

დეტალები:
მასალა: ბოროსილიკატის მინა, უჟანგავი ფოლადი
ზომა: 11.5×15.4×13.8 სმ
მოცულობა: 0.5 ლ

პროდუქტი მოიცავს:
1 x ყავის დასაყენებელი

BODUM-ის ისტორია იწყება 1944 წლიდან კოპენჰაგენში, დანიაში. სკანდინავიური დიზაინის ესთეტიკით შექმნილი ყავის პრესების წარმოებიდან, BODUM-ი თანდათანობით იქცა საყოფაცხოვრებო ნივთების მწარმოებელ გლობალურ ბრენდად, რომლის დისტრიბუცია დღეს უკვე მსოფლიოს 55-ზე მეტ ქვეყანაში ხორციელდება.

ბრენდის სათავო ოფისი შვეიცარიაში მდებარეობს. აგრძელებს განვითარებას უმთავრეს პრინციპზე დაყრდნობით – კარგი დიზაინის პროდუქტი ფუნქციონალური და ხელმისაწვდომი უნდა იყოს. ამიტომ პროდუქტის შექმნისას ფოკუსირებულია ფუნქციონირებაზე, ხარისხსა და ინოვაციებზე.

BODUM-ის ასორტიმენტი მოიცავს როგორც მინის ჭურჭელს, ისე სამზარეულოს ელექტრო მოწყობილობებს.