პროდუქტის აღწერილობა

Zwilling Fresh & Save-ის რეზერვუარი ვაკუუმით რევოლუციურ ცვლილებას ახდენს საკვები პროდუქტების შენახვაში. ვაკუუმირების ექსკლუზიური ტექნოლოგია საკვებ პროდუქტს გემოს, არომატებს, სიჯანსაღეს და სასარგებლო თვისებებს 5-ჯერ უფრო დიდი ხნით უნარჩუნებს, ვიდრე სხვა რეზერვუარები.

იკვებეთ ჯანსაღად, დაზოგეთ დრო და შეინახეთ პროდუქტები ცინცხალად დიდი ხნის განმავლობაში Fresh & Save-ის რეზერვუარებით.

Fresh & Save-ის რეზერვუარი მუშაობს ვაკუუმ ტუმბოს მეშვეობით. მოამზადეთ ჯანსაღი სალათა, მარცვლეული ან წვნიანი სადილი წინა დღით ან თუნდაც რამდენიმე დღით ადრე. ვაკუუმირება ანელებს დამჟავების პროცესს, სალათები რჩება ახალი, ცოცხალი, მწვანე, შენარჩუნებულია პროდუქტის ვიტამინები და არომატები.

ახლა უკვე შეგიძლიათ კვირის განმავლობაში მხოლოდ ერთხელ შეიძინოთ ხილი, ბოსტნეული, ხორცი, თევზი. შეინახეთ მაცივარში/საყინულეში Fresh & Save-ის რეზერვუარებით/ჩანთებით და ისიამოვნეთ ახალი პროდუქტების უპირატესობებით. შესაძლებელია წინასწარ მოამზადოთ კერძები, შემდეგ შეინახოთ, დაგემოვნებისას კი ისინი ისეთივე ახალი და ჯანსაღი იქნება, როგორიც მომზადების დღეს. ამ რეზერვუარების მეშვეობით ხორცის დამარინადება 30 წუთზე ნაკლებ დროშია შესაძლებელი.

ვაკუუმის ტუმბო მარტივი გამოსაყენებელია. არ საჭიროებს ელემენტების გამოცვლას – მას აქვს თავისივე, ხანგრძლივი ვადით გამოყენებადი ლითიუმ-იონის ელემენტი. იტენება USB სადენის მეშვეობით, რომელიც მოჰყვება. მუშაობს უხმაუროდ.

რეზერვუარები დამზადებულია მაღალი ხარისხის, ტემპერატურისა და დაზიანებების მიმართ მდგრადი ბოროსილიკატის მინისგან და წარმოდგენილია პლასტმასის ვაკუუმ თავსახურებით. იდეალურია კერძის მომზადებისთვის, მზა კერძების მაცივარსა და საყინულეში შესანახად, ასევე, მოსახერხებელია ხორცის დამარინადებისთვის. მისი გამოყენება ასევე შესაძლებელია ღუმელში თავსახურის გარეშე. ამასთან, შესანიშნავია სერვირებისთვისაც.

საკვების შესანახი ვაკუუმ ჩანთა მრავალჯერადი გამოყენებისაა. მდგრადი და გამძლეა. იხურება მჭიდროდ და ჩანთიდან არ ჟონავს სითხე. სპეციალური პლასტმასის სამაგრი-ჩამკეტის ჩანთის შესაკრავზე გადატარებით ჩანთას საიმედოდ დალუქავთ. ჩანთის სპეციალური პლასტმასის მრგვალი აქსესუარი, “სითხის ბარიერი” მიამაგრეთ ჩანთის შიდა მხარეს სარქველს და ის ხელს შეუშლის ვაკუუმის ტუმბოს მიერ სითხის შეწოვას. ჩანთა გამოიყენება საყინულეში, უძლებს 100°C -მდე ტემპერატურას, რაც იდეალურია Sous Vide-ის ტექნიკით მზადებისთვის. ჩანთის გამოყენება ასევე შესაძლებელია მიკროტალღურ ღუმელში.

გამოყენების წესი:
დაადეთ ვაკუუმის ტუმბო თავსახურზე არსებულ სარქველს და დააჭირეთ ღილაკს. დაჭერისას იგი ჰაერს ამოტუმბავს წამებში და ავტომატურად გაჩერდება სათანადო ვაკუუმირების შემდეგ. შედეგად კი ვიღებთ პროდუქტს, რომელშიც შენარჩუნებულია გემო, არომატები და ვიტამინები.

მახასიათებლები:

• ნაკრებში შედის ვაკუუმ ტუმბო, 2 საკვების ვაკუუმ ჩანთა, 2 ვაკუუმ რეზერვუარი
  
• საკვებ პროდუქტს სიჯანსაღეს 5-ჯერ უფრო დიდი ხნით უნარჩუნებს
  
• რეზერვუარები, თავსახურები, ჩანთები და სილიკონის სარქველები დამზადებულია პლასტმასისგან, რომელიც არ შეიცავს BPA-ს
  
• რეზერვუარები ერთმანეთში თავსდება და მარტივია მათი შენახვა
  
• რეზერვუარები დამზადებულია ბოროსილიკატის მინისგან, რომელიც მდგრადია 180 °C-მდე ტემპერატურის მიმართ
  
• რეზერვუარები გამოიყენება საყინულეში, ღუმელში (თავსახურის გარეშე), მიკროტალღურ ღუმელში (თავსახურის გარეშე) და ჭურჭლის სარეცხ მანქანაში
  
• გამოიყენება სამმაგი ფუნქციით – შენახვა, გამოცხობა, სერვირება
  
• სიცივის მიმართ მდგრადობის მაქსიმალური ტემპერატურაა -20 °C
  
• ვაკუუმის ტუმბო მარტივი გამოსაყენებელია – გამოყენების დროს არ საჭიროებს სადენის შეერთებას
  
• ვაკუუმის ტუმბო არ საჭიროებს ელემენტების გამოცვლას – აქვს ხანგრძლივი ვადით გამოყენებადი, 3.7 ვოლტის სიმძლავრის ლითიუმ-იონის ელემენტი
  
• ტუმბოს ელემენტის სრულად დატენვისთვის საჭიროა 2 საათი. იტენება USB სადენის მეშვეობით, რომელიც მოჰყვება
  
• ჩანთების სიცივის მიმართ მდგრადობის მაქსიმალური ტემპერატურაა -18 °C
  
• ვაკუუმური რეზერვუარები გამოიყენება საყინულეში, მიკროტალღურ ღუმელში (ვაკუუმური დალუქვის გარეშე) და ჭურჭლის სარეცხ მანქანაში
  
• ვაკუუმური ჩანთები გამოიყენება საყინულეში და მიკროტალღურ ღუმელში
  
• ვაკუუმური ჩანთები ირეცხება ხელით
  
• ვაკუუმური ჩანთები მრავალჯერადი გამოყენებისაა და იდეალურია Sous Vide-ის ტექნიკით მზადებისთვის
  
• ვაკუუმის ტუმბო იტენება და მოყვება USB კაბელი

დეტალები:
რეზერვუარების მასალა: ბოროსილიკატის მინა
თავსახურების მასალა: პლასტმასი
ვაკუუმ ჩანთების მასალა: პლასტმასი, სილიკონი
ვაკუუმ ტუმბოს მასალა: პლასტმასი
ერთეულთა რაოდენობა: 9

პროდუქტი მოიცავს:

1 x ვაკუუმ ტუმბო USB სადენით
1 x ბოროსილიკატის მინის ვაკუუმური რეზერვუარი, ზომა L. დიამეტრი 24, სიმაღლე 16 სმ. მოცულობა 4 ლ.
1 x ბოროსილიკატის მინის ვაკუუმური რეზერვუარი, ზომა M. დიამეტრი 18 სმ, სიმაღლე 12.7 სმ. მოცულობა 1.75 ლ.
2 x ვაკუუმური ჩანთა, ზომა S. სიგრძე 23 სმ, სიგანე 20 სმ, მოცულობა 1.25 ლ.
2 x ვაკუუმური ჩანთა, ზომა M. სიგრძე 35 სმ, სიგანე 25 სმ. მოცულობა 4 ლ.

ბრენდის შესახებ

Zwilling-ი – ერთ-ერთი უძველესი ბრენდი მსოფლიოში, 1731 წელს დაარსდა გერმანიაში. საქმიანობა დაიწყო უმაღლესი ხარისხის დანების წარმოებით, მალევე გაფართოვდა და გახდა სპეციალისტი საერთაშორისო კულინარიულ კულტურაში. Zwilling-ის სხვადასხვა სახის ჭურჭელი დღეს უკვე მსოფლიოს 100-ზე მეტი ქვეყანის ყველა მნიშვნელოვან მაღაზიაშია წარმოდგენილი.

როდესაც პროდუქციის წარმოებას ეხება საქმე, Zwilling-ი პერფექციონისტია – გამძლე და ხარისხიანი პროდუქტის შესაქმნელად იყენებს მხოლოდ უმაღლესი ხარისხის მასალას და თანამედროვე ტექნოლოგიებს. გარდა ამისა, პრემიუმ ხარისხის ყველა პროდუქტის წარმოების სრულ პროცესს კომპანია უწყვეტ რეჟიმში აკვირდება.

Zwilling-ი ფლობს ქარხნებს მსოფლიოს სხვადასხვა ქვეყანაში: გერმანიაში, საფრანგეთში, იტალიაში, იაპონიაში, ბელგიასა და ინდოეთში.

შეფასებები (0)