როგორ გამოვიყენოთ და მოვუაროთ სხვადასხვა ტიპის ჭურჭელს სწორად?
სამზარეულო ჭურჭლის სწორად გამოყენება და მოვლა ისეთივე მნიშვნელოვანია, როგორც მისი ხარისხი. ხშირად სწორედ მცირე დეტალები და ნიუანსების დაცვა განსაზღვრავს, რამდენ ხანს შეინარჩუნებს ქვაბი ან ტაფა თავის ფუნქციურობას, გარეგნობასა და უსაფრთხოებას. თითოეულ მასალას — იქნება ეს უჟანგავი ფოლადი, თუჯი თუ სხვა ტიპის ჭურჭელი — აქვს საკუთარი გამოყენებისა და მოვლის წესები. მათი ცოდნა და სწორად დაცვა დაგეხმარებათ თავიდან აიცილოთ დაზიანება, ფორმის შეცვლა, ზედაპირის გაფუჭება და ზედმეტი ცვეთა.
ამ გვერდზე გაეცნობით რეკომენდაციებს, რომლებიც დაგეხმარებათ თქვენი ჭურჭლის სწორად გამოყენებაში, გაწმენდასა და შენახვაში, რათა იგი დიდხანს დარჩეს საიმედო, პრაქტიკული და ესთეტიკურად მიმზიდველი.
კატეგორიების მიხედვით
უჟანგავი ფოლადის ქვაბი/ტაფა
უკრავი ზედაპირის ქვაბი/ტაფა
თუჯის ქვაბი/ტაფა
ემალის ქვაბი/ტაფა
დანების მოვლა
ხის აქსესუარები
მინის ჭურჭელი
ფაიფური/კერამიკა
ხის საჭრელი დაფები/აქსესუარები
ბამბუკის/ხის საჭრელი დაფები, მოსარევი კოვზები და დამხმარე აქსესუარები სამზარეულოს განუყოფელი ნაწილია. იმისათვის, რომ ხის ნივთებმა პირვანდელი სახე და გამძლეობა წლობით შეინარჩუნოს, აუცილებელია მათი სწორად მოვლა.
გარეცხვა:
რეკომენდებულია მხოლოდ ხელით რეცხვა. გამოიყენეთ თბილი წყალი და რბილი სარეცხი საშუალება. ხის/ბამბუკის ნივთები არ დააყოვნოთ დიდი ხნით წყალში. მაღალი ტემპერატურა და წყლის ძლიერი წნევა იწვევს ხის გაბზარვას, დეფორმაციასა და სტრუქტურის დაშლას.
გაშრობა:
გარეცხვის შემდეგ დაუყოვნებლივ გაამშრალეთ რბილი ქსოვილით და დატოვეთ ვერტიკალურ მდგომარეობაში მის სრულ გაშრობამდე ისე, რომ ჰაერი ორივე მხრიდან კარგად ხვდებოდეს.
ზეთით დამუშავება:
ხის დაფის/ხის კოვზების ზედაპირის დასაცავად და მისი ბუნებრივი ფაქტურის შესანარჩუნებლად, პერიოდულად დაამუშავეთ ცივი დაწურვის საკვები ზეთით. ეს ხელს უშლის ნესტის შეღწევას და იცავს გამოშრობისგან.
რეკომენდებულია:
• მოარიდეთ უკიდურესად მაღალ ტემპერატურას – არ დადოთ დაფა ცხელ ქურაზე ან გამათბობელთან ახლოს.
• არ გამოიყენოთ აგრესიული ქიმიური მათეთრებლები.
• არ გარეცხოთ ჭურჭლის სარეცხ მანქანაში – მაღალი ტემპერატურა და წყლის დიდი რაოდენობა მას დაბზარავს და ფორმას შეუცვლის.
• არ შეინახოთ ხის ნივთები ნესტიან კარადაში
• მოარიდეთ უკიდურესად მაღალ ტემპერატურასა და მაღალ ტენიანობას.
ხის/ბამბუკის საჭრელ დაფებზე ბაქტერიების დაგროვების თავიდან ასარიდებლად:
• უმი ხორცი და ბოსტნეული ერთი და იგივე საჭრელ დაფაზე არ დაამუშაოთ – იქონიეთ ცალკე დაფა უმი ხორცისთვის და ცალკე დაფა ბოსტნეულისთვის.
• მუდმივად შეინარჩუნეთ დაფისთვის მშრალი გარემო, მოარიდეთ მაღალ ტენიანობას – არ დატოვოთ დაფა სამზარეულოს ნიჟარაში, წყალში ჩამბალი.
• საჭირო პერიოდულობით ჩაუტარეთ ღრმა დეზინფექცია: მოამზადეთ თეთრი ძმრის და წყლის ნაზავი (პროპორციით 1:3) და გაწმინდეთ სუფა საჭრელი დაფა, შემდეგ გაავლეთ წყლით და გაამშრალეთ საგულდაგულოდ.
ხის კოვზების სუნისა და ლაქების მოცილებისთვის რეკომენდებულია:
*ხის კოვზს ზედაპირზე წაუსვით ლიმონის ნაჭერი ან გამოიყენეთ საკვები სოდა. ეს ბუნებრივი საშუალებები ეფექტურად ანეიტრალებს სუნსა და ლაქებს.