როგორ გამოვიყენოთ და მოვუაროთ სხვადასხვა ტიპის ჭურჭელს სწორად?
სამზარეულო ჭურჭლის სწორად გამოყენება და მოვლა ისეთივე მნიშვნელოვანია, როგორც მისი ხარისხი. ხშირად სწორედ მცირე დეტალები და ნიუანსების დაცვა განსაზღვრავს, რამდენ ხანს შეინარჩუნებს ქვაბი ან ტაფა თავის ფუნქციურობას, გარეგნობასა და უსაფრთხოებას. თითოეულ მასალას — იქნება ეს უჟანგავი ფოლადი, თუჯი თუ სხვა ტიპის ჭურჭელი — აქვს საკუთარი გამოყენებისა და მოვლის წესები. მათი ცოდნა და სწორად დაცვა დაგეხმარებათ თავიდან აიცილოთ დაზიანება, ფორმის შეცვლა, ზედაპირის გაფუჭება და ზედმეტი ცვეთა.
ამ გვერდზე გაეცნობით რეკომენდაციებს, რომლებიც დაგეხმარებათ თქვენი ჭურჭლის სწორად გამოყენებაში, გაწმენდასა და შენახვაში, რათა იგი დიდხანს დარჩეს საიმედო, პრაქტიკული და ესთეტიკურად მიმზიდველი.
კატეგორიების მიხედვით
უჟანგავი ფოლადის ქვაბი/ტაფა
უკრავი ზედაპირის ქვაბი/ტაფა
თუჯის ქვაბი/ტაფა
ემალის ქვაბი/ტაფა
დანების მოვლა
ხის აქსესუარები
მინის ჭურჭელი
ფაიფური/კერამიკა
ფაიფური
ხარისხის კონტროლისა და საერთაშორისო სტანდარტების სრული დაცვით ,,სუპერი” ფაიფურის ჭურჭელის მრავალფეროვან კოლექციას აწარმოებს. ფაიფურის ჭურჭლის სწორად მოსავლელად და მინანქრის საფარის პირვანდელი იერის დიდხანს შესანარჩუნებლად, რეკომენდებულია გაითვალისწინოთ:
ხელით რეცხვა:
ფაიფურის ჭურჭლის რეცხვის ყველაზე უსაფრთხო მეთოდია ხელით რეცხვა. ხელით რეცხვისას:
• გამოიყენეთ ღრუბლის რბილი მხარე. არავითარ შემთხვევაში არ გამოიყენოთ მეტალის სახეხები და ღრუბლის უხეში მხარე
• გამოიყენეთ ნელ-თბილი წყალი: ზედმეტად ცხელმა წყალმა შეიძლება გამოიწვიოს მიკრო-ბზარები.
• გარეცხეთ ისე, რომ ჭურჭელი ერთმანეთს უხეშად არ დაეჯახოს და არ გამოიწვიოს მექანიკური დაზიანება.
ჭურჭლის სარეცხი მანქანით რეცხვა:
,,სუპერის” წარმოების ფაიფურის ჭურჭლის გამოყენება შესაძლებელია ჭურჭლის სარეცხ მანქანაში გარდა ვერცხლისფერ და ოქროსფერ კიდეებიანი ჭურჭლის, ან ჭურჭლის რომელსაც აქვს თუნდაც უმცირესი ზომის ვერცხლისფერი/ოქროსფერი დეტალი
• ,,სუპერის” წარმოების ჭურჭელი, რომელსც აქვს ოქროსფერი კიდე, ოქროსფერი დეტალის შემადგენლობაში მცირე რაოდენობით შედის ოქროს ნაწილაკები, ამიტომ დაუშვებელია მისი გამოყენება ჭურჭლის სარეცხი მანქანაში – შესაძლოა დაკარგოს ფერი, აშრევდეს და ა.შ.
• ,,სუპერის” წარმოების ჭურჭელი, რომელსც აქვს ვერცხლისფერი კიდე, ვერცხლისფერი დეტალის შემადგენლობაში მცირე რაოდენობით შედის ვერცხლის ნაწილაკები, ამიტომ დაუშვებელია მისი გამოყენება ჭურჭლის სარეცხი მანქანაში – შესაძლოა დაკარგოს ფერი, აშრევდეს და ა.შ.
ჭურჭლის სარეცხი მანქანაში რეცხისას გაითვალისწინეთ:
1. გამოიყენეთ ყველაზე დაბალი ტემპერატურის პროგრამა (40°C ან 45°C). მაღალი ტემპერატურა და ორთქლი თანდათანობით ასუსტებს ფაიფურის სტრუქტურას და აზიანებს დეკორატიულ ელემენტებს.
2. განლაგება — „უსაფრთხო დისტანცია“
ჩააწყვეთ ჭურჭელი ისე, რომ რეცხვისას ერთმანეთს არ ეხებოდეს. წყლის წნევამ შეიძლება ჭურჭელი შეარხიოს და თუ ერთმანეთზეა მიბჯენილი, წარმოიქმნება მიკრო-ბზარები ან დაზიანდება.
3. სარეცხი საშუალების შერჩევა – გამოიყენეთ თხევადი ან გელისებრი საშუალებები. მოერიდეთ ტაბლეტებსა და ფხვნილებს, რადგან ისინი ხშირად შეიცავენ აბრაზიულ ნაწილაკებს, რომლებიც „ქვიშასავით“ მოქმედებენ და ფხეკენ ფაიფურის ნაზ ზედაპირს.
4. გაშრობის ციკლი – თუ ჭურჭლის სარეცხ მანქანას აქვს გაშრობის ფუნქცია, გამორთეთ მაღალტემპერატურული გაშრობა. სჯობს, რეცხვის დასრულების შემდეგ კარი გამოაღოთ და ჭურჭელი ბუნებრივად, ჰაერზე გაშრეს. ცხელი ჰაერის ნაკადი ხშირად აზიანებს ფაიფურს.
დაუშვებელია:
• მეტალის სარეცხი საშუალებების, სახეხების, სარეცხი ფხვილების, ქლორის, ლიმონის მჟავის შემცველი სარეცხი საშუალებების გამოყენება.
• ისეთი ნაკეთობის ჭურჭლის სარეცხ მანქანაში განთავსება, რომელსაც უკვე აქვს თუნდაც მცირე ზომის ბზარი.
• ვერცხლისფერი და ოქროსფერი დეტალის მქონე ნაკეთობის ჭურჭლის სარეცხ მანქანაში განთავსება
• ფაიფურის დიდხანს დატოვებას წყალში, რადგან ამას შესაძლოა გამოიწვიოს მინანქრის დაზიანება
ტემპერატურული შოკი:
ფაიფური მგრძნობიარეა ტემპერატურის მკვეთრი ცვლილების მიმართ. ამიტომ:
• არასოდეს გადაიტანოთ ჭურჭელი პირდაპირ მაცივრიდან ცხელ ღუმელში ან პირიქით, რადგან მან შეიძლება გამოიწვიოს ბზარების გაჩენა.
• არასოდეს დაასხათ ცხელი კერძი მაცივრიდან ახლად გამოღებულ თეფშზე – მიეცით ჭურჭელს დრო, რომ ოთახის ტემპერატურა მიიღოს.
• არ გარეცხოთ ცხელი კერძის შემდეგ ჯერ კიდევ ცხელი თეფში პირდაპირ ცივი წყლით – მიეცით ჭურჭელს დრო, რომ გაგრილდეს ბოლომდე.
მიკროტალღური ღუმელი:
,,სუპერის” წარმოების ფაიფურის ჭურჭლის გამოყენება შესაძლებელია მიკროტალღურ ღუმელში, გარდა ვერცხლისფერ და ოქროსფერ კიდეებიანი ჭურჭლის, ან ჭურჭლის რომელსაც აქვს თუნდაც უმცირესი ზომის ვერცხლისფერი/ოქროსფერი დეტალი.
გაშრობა:
ხელით რეცხვის შემდეგ ჭურჭელი დააწყვეთ რბილ, სუფთა პირსახოცზე. მოერიდეთ ლითონის საშრობებს, რადგან მათთან შეხებამ შეიძლება მექანიკური დაზიანება გამოიწვიოს.
გამშრალება: წყლის ლაქების თავიდან აცილების მიზნით, გამოიყენეთ მიკროფიბერის ან რბილი ბამბის ქსოვილი. არ გამოიყენოთ ისეთი ქსოვილი, რომლსაც აქვს უხეში სტრუქტურა.
მნიშვნელოვანია:
გამშრალებისას ნუ დააწვებით ძლიერად, განსაკუთრებით თხელ ფაიფურს.
შენახვა:
ფაიფურის ჭურჭლის პირდაპირ ერთმანეთზე დაწყობა არ არის რეკომენდებული. თეფშის/ჭიქის ქვედა ნაწილი (ე.წ. „ძირი“), როგორც წესი, არ არის მოჭიქული და ხორკლიანია, რაც ქვედა თეფშის ზედაპირს კაწრავს.
• თეფშების შენახვისას, თეფშებს შორის ჩააფინეთ ქაღალდის ხელსახოცი, რბილი ქსოვილი ან სპეციალური თექის საფენები. ეს დაიცავს ზედაპირს ცვეთისგან.
• ნუ შექმნით ზედმეტად დიდ სიმაღლეს. სიმძიმემ შეიძლება ქვედა თეფშებში მიკრო-ბზარები გამოიწვიოს.
• შეინახეთ მშრალ ადგილას.
