უკრავი საფარის მქონე ტაფა/ქვაბი თანამედროვე სამზარეულოს განუყოფელი ნაწილია. კერძის მზადებისთვის დახარჯული ნაკლები დრო, მინიმალური ან საერთოდ უცხიმოდ მომზადების შესაძლებლობებით, უკრავი ზედაპირის ჭურჭელი ყოველდღიურობის შეუცვლელი ალტერნატივაა. იმისათვის, რომ უკრავი ზედაპირის ტაფა/ქვაბი დიდი ხნით გამოვიყენოთ, რეკომენდებულია:

• პირველ ჯერზე გამოყენებისას გულდასმით გარეცხეთ ნაკეთობის შიდა/გარე ნაწილი რბილი ღრუბლით და ჭურჭლის თხევადი სარეცხი საშუალებით. საფუძვლიანად გაამშრალეთ რბილი ქსოვილით ისე, რომ არ დარჩეს წყლის ლაქები. გამშრალებულ ტაფას/ქვაბს დაასხით ერთი წვეთი საკვები ზეთი, ხელსახოცის და სამზარეულოს ფუნჯით თანაბრად გადაანაწილეთ მთლიან ზედაპირზე, დადგით ცეცხლზე და ოდნავ შეათბეთ. ოდნავ შეთბობის შემდეგვე გამორთეთ, ხელსახოცის გამოყენებით გაწმინდეთ ტაფის/ქვაბის ზედაპირი არსებული ზეთისგან და დაელოდეთ მის სრულ გაციებას. გაგრილებული ტაფა/ქვაბი მზადაა გამოსაყენებლად.

• გამოიყენეთ დაბალი ან საშუალო ტემპერატურა. მაღალ ცეცხლზე გამოყენებამ შესაძლოა საფარის დაზიანება გამოიწვიოს.

• არ გააცხელოთ ცარიელი ტაფა/ქვაბი: ნუ გააჩერებთ ცარიელ ჭურჭელს ცეცხლზე დიდხანს, ამან შეიძლება საფარის დაზიანება გამოიწვიოს.

• კერძი ყოველთვის მოამზადეთ ისე, რომ ცეცხლი არ სცდებოდეს ტაფის/ქვაბის დიამეტრს.

• საფარის ვარგისიანობის გასახანგრძლივებლად აუცილებელი რეკომენდაციაა სილიკონის ან ხის ნიჩბების გამოყენება – არავითარ შემთხვევაში არ გამოიყენოთ მეტალის კოვზები და აქსესუარები.