როგორ გამოვიყენოთ და მოვუაროთ სხვადასხვა ტიპის ჭურჭელს სწორად?
სამზარეულო ჭურჭლის სწორად გამოყენება და მოვლა ისეთივე მნიშვნელოვანია, როგორც მისი ხარისხი. ხშირად სწორედ მცირე დეტალები და ნიუანსების დაცვა განსაზღვრავს, რამდენ ხანს შეინარჩუნებს ქვაბი ან ტაფა თავის ფუნქციურობას, გარეგნობასა და უსაფრთხოებას. თითოეულ მასალას — იქნება ეს უჟანგავი ფოლადი, თუჯი თუ სხვა ტიპის ჭურჭელი — აქვს საკუთარი გამოყენებისა და მოვლის წესები. მათი ცოდნა და სწორად დაცვა დაგეხმარებათ თავიდან აიცილოთ დაზიანება, ფორმის შეცვლა, ზედაპირის გაფუჭება და ზედმეტი ცვეთა.
ამ გვერდზე გაეცნობით რეკომენდაციებს, რომლებიც დაგეხმარებათ თქვენი ჭურჭლის სწორად გამოყენებაში, გაწმენდასა და შენახვაში, რათა იგი დიდხანს დარჩეს საიმედო, პრაქტიკული და ესთეტიკურად მიმზიდველი.
კატეგორიების მიხედვით
უჟანგავი ფოლადის ქვაბი/ტაფა
უკრავი ზედაპირის ქვაბი/ტაფა
თუჯის ქვაბი/ტაფა
ემალის ქვაბი/ტაფა
დანების მოვლა
ხის აქსესუარები
მინის ჭურჭელი
ფაიფური/კერამიკა
მინის ჭურჭელი
მინის ჭურჭლის თავდაპირველი ბრწყინვალების შესანარჩუნებლად, საჭიროა მისი მოვლის და გამოყენების მარტივი რეკომენდაციების გათვალისწინება.
ხელით რეცხვა:
•მინის ჭურჭლის გასარეცხად რეკომენდებულია ნელთბილი წყალი. მოერიდეთ მდუღარე წყლის პირდაპირ დასხმას, რადგან ტემპერატურის მკვეთრმა ცვალებადობამ შეიძლება მინის დასკდომა გამოიწვიოს.
• გამოიყენეთ თხევადი სარეცხი საშუალებები. მოერიდეთ ფხვნილებსა და უხეშ ზედაპირიან სახეხებს, რომლებიც მინის ზედაპირს კაწრავს.
• თუ ინტენსიური გამოყენების შემდეგ, მინამ გამჭვირვალობა დაკარგა, გარეცხვისას წყალში მცირეოდენი ძმრის ან ლიმონის წვენის დამატება მას პირვანდელ ელვარებას დაუბრუნებს.
• ინტენსიური გამოყენების შემდეგ მინის ჭურჭელს შესაძლოა გაუჩნდეს თეთრი ნადები. ეს წყალში არსებული მინერალების (კირის) შედეგია. თეთრი ნადების მოსაშორებლად ჩაალბეთ ჭურჭელი თბილ წყალში, რომელშიც გარეული იქნება ცოტაოდენი ძმარი. 15-20 წუთის შემდეგ გარეცხეთ ჩვეულებრივი წესით და მაშინვე გაამშრალეთ.
ჭურჭლის სარეცხი მანქანით რეცხვა:
ყურადღებით დააკვირდით მინის პროდუქციას. დარწმუნდით, რომ ჭურჭელს ან შეფუთვას აქვს შესაბამისი მარკირება (Dishwasher Safe) და მხოლოდ ამის შემდეგ გამოიყენეთ ჭურჭლის სარეცხი მანქანა.
ტემპერატურული შოკი:
მინა მგრძნობიარეა თერმული შოკის მიმართ – არასოდეს მოათავსოთ მაცივრიდან გამოღებული ჭურჭელი პირდაპირ გახურებულ ღუმელში ან მიკროტალღურში. დაელოდეთ, რომ ჭურჭელმა მიიღოს ოთახის ტემპერატურა. რაც უფრო ნელა შეცვლით ტემპერატურას, მით უფრო დიდხანს გაგიძლებთ ჭურჭელი.
მიკროტალღური ღუმელი:
• დარწმუნდით, რომ ჭურჭელს აქვს შესაბამისი მარკირება (Microwave Safe) და მხოლოდ ამის შემდეგ გამოიყენეთ მიკროტალღური ღუმელი.
• ნუ გამოიყენებთ ღუმელში იმ მინას, რომელსაც აქვს ლითონის დეკორი ან მოოქროვილი/მოვერცხლილი კიდეები.
მოეპყარით ფრთხილად:
მინის ჭიქების/თეფშების გამოყენებისას მოერიდეთ მათ ძლიერ შეჯახებას. მიკრო-ბზარები, რომლებიც ერთი შეხედვით არ ჩანს, დროთა განმავლობაში ნივთის გატეხვის მიზეზი ხდება.
გაშრობა:
იმისათვის, რომ გარეცხვის შემდეგ მინის პროდუქციაზე არ დარჩეს წყლის წვეთები, რეკომენდებულია გარეცხვისთანავე საფუძვლიანად გაამშრალოთ მიკროფიბერის ან ტილოს რბილი ქსოვილით.
განლაგება:
ჭიქები ყოველთვის შეინახეთ სწორ მდგომარეობაში – პირით ზემოთ. პირით დაბლა განთავსებისას, მასზე ხორციელდება მთელი დაწოლა, რაც ზრდის კიდეების დატეხვის რისკს. მინის ჭურჭელში მისი ნაპირი (კიდე) ყველაზე სუსტი წერტილია. ასევე, კარადში შენახვისას მინის ნივთებს შორის დატოვეთ მცირეოდენი სივრცეები მაინც, რათა თავიდან აიცილოთ მათი შემთხვევითი შეხება და დაზიანება.
გაფრთხილება:
არ გამოიყენოთ მინის პროდუქცია მიკროტალღურ ღუმელსა და ჭურჭლის სარეცხ მანქანაში, თუ მას არ აქვს შესაბამისი მანიშნებელი – Microwave Safe და Dishwasher Safe.