როგორ გამოვიყენოთ და მოვუაროთ სხვადასხვა ტიპის ჭურჭელს სწორად?
სამზარეულო ჭურჭლის სწორად გამოყენება და მოვლა ისეთივე მნიშვნელოვანია, როგორც მისი ხარისხი. ხშირად სწორედ მცირე დეტალები და ნიუანსების დაცვა განსაზღვრავს, რამდენ ხანს შეინარჩუნებს ქვაბი ან ტაფა თავის ფუნქციურობას, გარეგნობასა და უსაფრთხოებას. თითოეულ მასალას — იქნება ეს უჟანგავი ფოლადი, თუჯი თუ სხვა ტიპის ჭურჭელი — აქვს საკუთარი გამოყენებისა და მოვლის წესები. მათი ცოდნა და სწორად დაცვა დაგეხმარებათ თავიდან აიცილოთ დაზიანება, ფორმის შეცვლა, ზედაპირის გაფუჭება და ზედმეტი ცვეთა.
ამ გვერდზე გაეცნობით რეკომენდაციებს, რომლებიც დაგეხმარებათ თქვენი ჭურჭლის სწორად გამოყენებაში, გაწმენდასა და შენახვაში, რათა იგი დიდხანს დარჩეს საიმედო, პრაქტიკული და ესთეტიკურად მიმზიდველი.
კატეგორიების მიხედვით
უჟანგავი ფოლადის ქვაბი/ტაფა
უკრავი ზედაპირის ქვაბი/ტაფა
თუჯის ქვაბი/ტაფა
ემალის ქვაბი/ტაფა
დანების მოვლა
ხის აქსესუარები
მინის ჭურჭელი
ფაიფური/კერამიკა
თუჯის ტაფა/ქვაბები
იმისათვის, რომ თუჯის ჭურჭელმა ათწლეულების განმავლობაში გემსახუროთ, გთხოვთ, გაითვალისწინოთ შემდეგი რეკომენდაციები:
პირველი გამოყენების წინ
• მოხსენით შეფუთვის ყველა ეტიკეტი/იარლიყი
• გარეცხეთ ჭურჭელი თბილი წყლით და ჭურჭლის სარეცხი
საშუალებით, გაწმინდეთ რბილი ქსოვილით, ამოატრიალეთ და დაელოდეთ მის სრულ გაშრობას.
• თქვენი ჭურჭელი მზად არის გამოსაყენებლად!
მომზადების პროცესი და თავსებადობა
• გამოიყენება ყველა ტიპის ქურაზე (ელექტრო, გაზი, ინდუქციური, ჰალოგენური) და ღუმელში
• ჭურჭელი ქურაზე ყოველთვის მოათავსეთ ისე, რომ ცეცხლი არ სცდებოდეს ტაფის/ქვაბის დიამეტრს
• ტემპერატურის რეჟიმი: ჭურჭელი გააცხელეთ ნელ-ნელა. არასდროს გააცხელოთ ცარიელი ჭურჭელი —ჯერ დაამატეთ მცირეოდენი ზეთი და ისე აანთეთ ქურა, რათა თავიდან აირიდოთ ჭურჭლის გადახურება.
• ინდუქციური ქურა: თავდაპირველად გამოიყენეთ დაბალი ტემპერატურა (5 წუთი), შემდეგ კი შეგიძლიათ მოუმატოთ სიმძლავრეს. მოერიდეთ „Booster“ ფუნქციის გამოყენებას.
• თუჯის პროდუქცია შესაძლებელია გამოიყენოთ ღუმელში გარდა ხის ან სილიკონის სახელურიანი პროდუქტებისა.
• ღუმელი: მაქსიმალური ტემპერატურა 250°C . სილიკონის სახელურებით 200°C და შუშის თავსახურებით 220°C .
გარეცხვა და მოვლა (მნიშვნელოვანია!)
• გარეცხვა: დაელოდეთ ტაფის/ქვაბის ბოლომდე გაგრილებას. გარეცხვისას გამოიყენეთ თბილი წყალი, რბილი ღრუბელი და ჭურჭლის სარეცხი სითხე.
• აკრძალულია: არ გამოიყენოთ ლითონის სახეხები, აბრაზიული ფხვნილები ან ღუმელის საწმენდი საშუალებები, რადგან მათ შეუძლიათ მინანქრის დაზიანება.
• თერმული შოკი: არასდროს ჩადოთ ცხელი ჭურჭელი ცივ წყალში. ამან შეიძლება გამოიწვიოს მინანქრის დაბზარვა ან აშრევება. დაელოდეთ მის სრულ გაციებას და მხოლოდ ამის შემდეგ დაიწყეთ ტაფის/ქვაბის გარეცხვა.
• ჩამჯდარი ლაქები: თუ საკვები მიიწვა, თუჯის ჭურჭლში მოათავსეთ თბილი წყალი და გააჩერეთ საჭიროების შემთხვევაში მთელი ღამეც. თუ მაინც არ მოშორდა ნადები, ჭურჭელში ჩაასხით წყალი, დაუმატეთ 2-3 კოვზი საკვები სოდა და ადუღეთ რამდენიმე წუთის განმავლობაში.
• ჭურჭლის სარეცხი მანქანა: დაშვებულია, თუმცა არ არის რეკომენდებული, რადგან აგრესიულმა სარეცხმა საშუალებებმა შესაძლოა დროთა განმავლობაში დააზიანოს ნაკეთობა.
• გარეცხვის შემდეგ სრულყოფილად გაამშრალეთ სუფთა ქსოვილით. დარწმუნდით, რომ ის სრულიად მშრალია და ამის შემდეგ შეინახეთ.
• შენახვისას, ნაკაწრების თავიდან ასაცილებლად, STAUB-ის ტაფებსა და ქვაბებს შორის დამცავი რბილი ქსოვილი დააფინეთ.
უსაფრთხოების წესები
• გამოიყენეთ დამცავი ხელთათმანები, რადგან თუჯის სახელურები ძალიან ცხელდება.
• შუშის ან კერამიკულ ზედაპირებზე ჭურჭელი ასწიეთ და ისე გადაადგილეთ, ნუ გაასრიალებთ, რათა არ დაკაწროთ ქურის ზედაპირი.
• გამოიყენეთ ხის ან სილიკონის კოვზები.
• თავსახურის სახელური დროთა განმავლობაში შეიძლება მოეშვას. დროდადრო შეამოწმეთ და საჭიროების შემთხვევაში გაამაგრეთ.
პროფესიონალური რჩევა:
ჭურჭლის უკრავი ზედაპირის თვისებების გასაუმჯობესებლად, პერიოდულად წაუსვით შიდა ზედაპირს მცირეოდენი მცენარეული ზეთი და ნელ ცეცხლზე შეათბეთ, შემდეგ კი ზედმეტი ზეთი ქაღალდის ხელსახოცით გაწმინდეთ.
დამატებითი რესურსებისთვის ინგლისურ ენაზე: გადადით ლინკზე